గురువారం 04 మార్చి 2021
Crime - Jan 23, 2021 , 12:51:00

కావలిలో కారును ఢీకొట్టిన టిప్పర్‌.. వేములవాడ వాసి మృతి

కావలిలో కారును ఢీకొట్టిన టిప్పర్‌.. వేములవాడ వాసి మృతి

వేములవాడ : ఆంధ్రప్రదేశ్‌ నెల్లూరు జిల్లా కావలి వద్ద జరిగిన రోడ్డు ప్రమాదంలో రాజన్న సిరిసిల్ల జిల్లాకు చెందిన వ్యక్తి మృత్యువాతపడగా.. పలువురు తీవ్రంగా గాయపడ్డారు. వివరాల్లోకి వెళితే.. వేములవాడ పట్టణం అంజనీనగర్‌కు చెందిన లాల దేవయ్య కుటుంబీకులు తిరుమల వేంకటేశ్వరస్వామి దర్శనానికి కారులో బయలుదేరారు. స్వామి వారిని దర్శించుకొని తిరుగు ప్రయాణమయ్యారు. ఈ క్రమంలో శనివారం నెల్లూరు జిల్లా కావలి వద్ద దేవయ్య కుటుంబం ప్రయాణిస్తున్న కారును టిప్పర్‌ ఢీకొట్టింది. ఈ ఘటనలో లాల దేవయ్య (58) అక్కడికక్కడే మృత్యువాతపడ్డాడు. పలువురు తీవ్రంగా గాయపడ్డారు. సమాచారం అందుకున్న పోలీసులు గాయపడ్డ వారిని హాస్పిటల్‌కు తరలించారు. ఘటనపై కేసు నమోదు చేసుకొని దర్యాప్తు చేస్తున్నారు.


VIDEOS

logo