హైదరాబాద్ : హత్యాయత్నం కేసులో ఆరోపణలు ఎదుర్కొంటున్న నిందితులను పట్టుకునేందుకు వెళ్లిన పోలీసులపై పెంపుడు కుక్కలతో వదిలి భయబ్రాంతులకు గురి చేసిన ఘటన బంజారా బంజారా హిల్స్ పోలీస్ స్టేషన్ పరిధిలో చోటు చేసుకుంది. పోలీసుల కథనం ప్రకారం.. బంజారా హిల్స్ రోడ్ నెంబర్ 12 లో నివాసం ఉంటున్న జాఫ్రీ అనే వ్యక్తితో మహ్మద్ ఆరిఫ్ అనే వ్యక్తికి గత కొంత కాలంగా స్థల వివాదం ఉంది.
ఈ నేపథ్యంలో రెండు రోజుల క్రితం సుమారు 20 మంది గుండాలతో ఆయన ఇంటికి వెళ్లిన ఆరిఫ్ తదితరులు కర్రలు, రాడ్స్ తో దాడి చేశారు. ఈ మేరకు బాధితురాలు పోలీసులకు ఫిర్యాదు చేయగా నిందితులపై హత్యా యత్నం కేసు నమోదు చేశారు. ఈ నేపథ్యంలో నిందితుడిని పట్టుకునేందుకు ఫిల్మ్ నగర్ లోని ఆయన నివాసానికి వెళ్లారు.
పోలీసుల రాకను గమనించిన ఆరిఫ్ తో పాటు చెల్లెళ్లు కలిసి పోలీసుల మీదకు కుక్కలు వదిలారు. తమకు పెద్దవాళ్లు తెలుసు అని, పోలీసులు తమను ఏమీ చేయలేరంటూ దుర్భాషలాడారు. ఈ మేరకు బంజారాహిల్స్ పోలీసులు ఇచ్చిన ఫిర్యాదు నిందితులపై మరో కేసు నమోదైంది.