చార్మినార్ : శారీరక ధృడత్వం, మానసిక ఉల్లాసం కోసం విద్యార్థులకు వ్యాయమం నేర్పాల్సిన ఓ ఉపాధ్యాయుడు విద్యార్థిని పట్ల అసభ్యంగా ప్రవర్తించాడు . బహదూర్పుర పోలీస్ స్టేషన్ పరిధిలో చోటు చేసుకున్న ఈ సంఘటన సంబంధించి ఇన్స్పెక్టర్ దుర్గాప్రసాద్ వివరించారు. పోలీస్స్టేషన్ పరిధిలోని మహ్మద్ నగర్ ప్రాంతంలో ఉన్న ఓ ప్రైవేట్ హై స్కూల్లో 45 ఏండ్ల వ్యక్తి వ్యాయమ ఉపాధ్యాయుడుగా పనిచేస్తున్నాడు.
కాగా ఇటీవల వ్యాయమం పేరుతో 6వ తరగతి విద్యార్థిని (13) పట్ల అసభ్యంగా ప్రవర్తించాడు. అన్యమనష్కంగా ఇంటికి చేరుకున్న బాధితురాలిని కుటుంబ సభ్యులు ఆరా తీశారు. పాఠశాలలో జరిగిన విషయాన్ని తల్లిదండ్రులకు చెప్పింది. వెంటనే బాధితురాలి తండ్రి పోలీస్స్టేషన్కు చేరుకుని ఫిర్యాదు చేశారు. బాధితుల ఫిర్యాదు మేరకు కేసు నమోదు చేసుకున్న పోలీసులు నిందితున్ని అదుపులోకి తీసుకున్నారు.