శనివారం 23 జనవరి 2021
Crime - Oct 02, 2020 , 12:12:51

బావిలో గల్లంతైన వ్యక్తి మృతి

బావిలో గల్లంతైన వ్యక్తి మృతి

యాదాద్రి భువనగిరి : వ్యవసాయ బావిలో మునిగిన మోటర్ పంపు సెట్ ను తీయడానికి వెళ్లి నీటిలో మునిగి ఓ వ్యక్తి మరణించాడు. ఈ విషాద ఘటన జిల్లాలోని మోత్కూర్ మున్సిపాలిటీ పరిధిలోని కొండగడప గ్రామంలో చోటు చేసుకుంది. గ్రామానికి చెందిన గజ్జెలి సత్తయ్య (48) బావిలో మునిగిన మోటర్ పంపు సెట్ ను తీయడానికి వెళ్లి నీటిలో మునిగి మృతి చెందాడు. గ్రామస్తులు, అగ్నిమాపక సిబ్బంది కలిసి బావిలో మోటర్లు పెట్టి నీటిని బైటకు తోడి మృతదేహాన్ని బయటకు తీశారు. బాధిత కుటుంబానికి నష్టపరిహారం చెల్లించాలని మృతుడి కుంటుంబ సభ్యులు, బంధువులు ఆందోళనకు దిగారు. ఈ మేరకు రామన్నపేట సీఐ శ్రీనివాస్ ఆధ్వర్యంలో మోత్కూర్ ఎస్ ఐ ఉదయ్ కిరణ్ బందోబస్తును నిర్వహించారు.


logo