వాషింగ్టన్, జూన్ 7: తమ కంపెనీ తరఫున అంతరిక్ష పర్యాటకాన్ని తొలుత తనతోనే మొదలుపెడ్తానని బ్లూ ఆరిజిన్ అధినేత, అమెజాన్ కంపెనీ సీఈఓ జెఫ్ బెజోస్ (57) సోమవారం ప్రకటించారు. జూలై 20న టెక్సాస్ నుంచి తమ కంపెనీ బ్లూ ఆరిజిన్ తాలూకు తొలి రాకెట్లో తాను, తన తమ్ముడు అంతరిక్షంలో చక్కర్లు కొట్టి వస్తామని తెలిపారు. ‘రోదసి నుంచి భూమిని చూస్తే మనలో మార్పు వస్తుంది. భూమితో, మానవాళితో మనకున్న అనుబంధంలో మార్పు వస్తుంది’ అని బెజోస్ ఇన్స్టాగ్రామ్లో పేర్కొన్నారు. జూలై 15న అమెజాన్ సీఈఓ పదవి నుంచి బెజోస్ వైదొలగనున్నారు. తన ఇతర కంపెనీలైన బ్లూ ఆరిజన్, వాషింగ్టన్ పోస్ట్ల మీద ఆయన దృష్టి పెట్టనున్నారు. అమెరికాలో పలు ప్రైవేటుకంపెనీలు అంతరిక్ష పర్యాటకంపై భారీ ఎత్తున పెట్టుబడులు పెడుతున్నాయి.