ప్రేమించిన యువతితో గొడవ.. యువకుడి ఆత్మహత్య

హైదరాబాద్‌ : ప్రేమించిన యువతి జరిగిన గొడవ.. చివరకు మాట్లాడడం మానేడంతో ఓ యువకుడు ఆత్మహత్యకు ఆత్మహత్యకు పాల్పడ్డాడు. ఈ ఘటన అల్వాల్‏లో సోమవారం చోటుచేసుకుంది. చిలుకలగూడకు చెందిన వంశీకృష్ణ ఓ ప్రైవేట్ కంపెనీలో ఉద్యోగం చేస్తున్నాడు. సికింద్రాబాద్‏లోని ఓ బ్యాంకులో పనిచేస్తున్న అల్వాల్‏కు చెందిన యువతితో కొద్ది నెలల కిందట ఫేస్‌బుక్‌లో పరిచయం ఏర్పడింది. అనంతరం వీరి పరిచయం ప్రేమగా మారింది. వంశీకృష్ణ ఆ యువతి చిత్రాన్ని తన గుండెలపై పచ్చబొట్టు వేయించుకున్నాడు. ఏమైందో తెలియదు కానీ.. వీరిద్దరి మధ్య ఆదివారం గొడవ జరిగింది.

దీంతో యువతి వంశీకృష్ణతో మాట్లాడడం మానేసింది. దీంతో ప్రియురాలు తనతో మాట్లాడడం లేదని తీవ్ర మనస్థాపానికి గురైన వంశీకృష్ణ ఆత్మహత్య చేసుకోవాలని నిర్ణయించుకున్నాడు. ఈ క్రమం ఆదివారం రాత్రి బాలాజీనగర్‏లోని తన స్నేహితులతో గడిపాడు. అనంతరం తిరిగి ఇంటికి చేరాడు. సోమవారం ఉదయం డ్యూటీకి వెళ్తున్నానని ఇంట్లో చెప్పి భూదేవి నగర్ రైల్వే ట్రాక్ వద్దకు వెళ్లి రైలు కింద పడి ఆత్మహత్య చేసుకున్నాడు. అటుగా వెళ్లిన స్థానికులు మృతదేహాన్ని గమనించి పోలీసులకు సమాచారం అందించారు. పోలీసులు సంఘటనా స్థలానికి చేరుకొని కేసు నమోదు చేసుకొని, దర్యాప్తు చేస్తున్నారు.