ఆదివారం 20 సెప్టెంబర్ 2020
Crime - Jul 17, 2020 , 14:54:19

అందుకే ఆత్మహత్య చేసుకుంటున్నా... సూసైడ్ నోట్ లో రాసిన రిటైర్ ఉద్యోగి

  అందుకే ఆత్మహత్య చేసుకుంటున్నా... సూసైడ్ నోట్ లో రాసిన రిటైర్ ఉద్యోగి

తణుకు : పశ్చిమగోదావరి జిల్లా తణుకులో దారుణం జరిగింది. 84 ఏండ్ల రిటైర్ ఉద్యోగి సూసైడ్ చేసుకున్నాడు. ఆత్మా హత్య చేసుకోవడానికి ముందు ఆయన రాసిన సూసైడ్ నోట్ కన్నీళ్లు పెట్టిస్తున్నది. "తన ప్లాట్ విషయంలో అపార్ట్‌మెంట్ కమిటీ సభ్యులు తప్పుడు ఆరోపణలు చేస్తున్నారని ఆవేదన వ్యక్తం చేశారు. తనపై పోలీసులకు ఫిర్యాదు చేస్తున్నారని.. మానసికంగా వేధిస్తున్నారని.. ఈ వయసులో పోరాడే శక్తి లేదంటూ " ఆయన లేఖలో  పేర్కొన్నాడు." పోలీసు కేసులు ఎదుర్కొనే సహనం లేదన్నారు.. అందుకే ఆత్మహత్య చేసుకుంటున్నాను "అన్నారు. తణుకుకు చెందిన లక్ష్మీపతిరావు జిల్లా పంచాయతీ అధికారిగా పనిచేసి రిటైర్‌ అయ్యారు. అయితే ఆయన జయలక్ష్మీ రెసిడెన్సీ పేరుతో తన సొంత స్థలంలో అపార్టుమెంటు నిర్మించారు.. ఐదో అంతస్తులో ఒక ప్లాటు మాత్రం తన అధీనంలో ఉంచుకుని మిగిలిన ప్లాట్లు మొత్తం అమ్మేశారు.

అపార్ట్‌మెంట్ పక్కనే ఉన్న ఇంట్లో ఆయన ఇంట్లో ఉంటున్నారు. తన ప్లాట్‌ను అద్దెకు ఇస్తున్నారు. అయితే గతంలో అపార్టుమెంట్ వ్యవహారాలన్నీ చూసుకున్న లక్ష్మీపతి.. వయసు రీత్యా ఆ బాధ్యతల నుంచి తప్పుకుని కమిటీ ఏర్పాటు చేసి వారికి అప్పగించారు. కొద్దిరోజుల క్రితం కమిటీలో కీలకంగా ఉన్న ఇద్దరు ఆయనపై తరచూ గొడవకు దిగుతున్నారని లేఖలో ప్రస్తావించారు. తన ప్లాటులోకి ఎవర్నీ అద్దెకు రానీయకుండా అడ్డుకున్నారని.. ఒకవేళ ఎవరైనా వస్తే ఖాళీ చేయిస్తున్నారని చెప్పుకొచ్చారు.

అక్కడ వాచ్‌మెన్‌‌తో కలిసి తనపై‌తప్పుడు ఆరోపణలు చేస్తూ పోలీసులకు సైతం ఫిర్యాదు చేశారని.. ఎస్సీ, ఎస్టీ అట్రాసిటీ కేసు నమోదు చేయిస్తామని బెదిరించారని వాపోయాడు. తర్వాత పోలీసులు వారిని హెచ్చరించి పంపించారని.. కానీ వాల్లు మాత్రం వృద్ధుడనే కనికరం లేకుండా వేధిస్తున్నారని.. ఆ మనస్తాపంతో బలవన్మరణానికి పాల్పడినట్లు తెలుస్తోంది. లక్ష్మీపతి రావు ఎంతో మంది పేద విద్యార్థులకు చదువు చెప్పించారు. ఉచితంగా వసతి కల్పించే లక్ష్మీపతిరావుకు స్థానికంగా మంచి పేరు ఉన్నది. కోరుకొండ మెమోరియల్‌ ట్రస్టు పేరుతో సేవా కార్యక్రమాలు నిర్వహిస్తున్నారు.


logo