కాంగ్రెస్‌ ఎమ్మెల్యే కైలాష్‌ చంద్ర మృతి

జైపూర్ : రాజస్థాన్‌కు చెందిన కాంగ్రెస్‌ పార్టీ ఎమ్మెల్యే కైలాష్‌ చంద్ర త్రివేది (65) గుర్గావ్‌లోని దవాఖానలో మరణించినట్లు కుటుంబ సభ్యులు, పార్టీ వర్గాలు మంగళవారం తెలిపాయి. ఇటీవల ఆయన కరోనా మహమ్మారి బారినపడి కోలుకున్నారు. ఆయన ఊపిరితిత్తుల ఫైబ్రోసిస్‌తో బాధపడుతున్న ఆయన చికిత్స పొందుతూ గుర్గావ్‌లో మరణించారు. జైపూర్‌లో కరోనా వైరస్ నుంచి కోలుకున్న తర్వాత ఆరోగ్య సమస్యలతో త్రివేదిని ఎస్ఎంఎస్ దవాఖానలో చేర్పించినట్లు ఆసుపత్రి వర్గాలు తెలిపాయి. సహారా (భిల్వారా) నియోజకవర్గానికి చెందిన శాసనసభ్యుడు త్రివేది ఆరోగ్యం క్షీణించడంతో అక్టోబర్ 2న జైపూర్ నుంచి గుర్గావ్‌లోని మెదాంత హాస్పిటల్‌కు తరలించారు. ఆరోగ్యం విషమించడంతో సోమవారం అర్ధరాత్రి మరణించారు. ఆయన మూడుసార్లు ఎమ్మెల్యేగా ఎన్నికయ్యారు. ఎమ్మెల్యే మృతిపై సీఎం అశోక్‌ గెహ్లాట్‌ నివాళులర్పించారు. కుటుంబానికి సానుభూతిని ప్రకటించారు. కష్ట సమయాల్లోనూ నిబ్బరంగా ఉండేవారని, ఆయన ఆత్మకు శాంతి చేకూరాలని ట్వీట్‌ చేశారు. 

లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.