బంజారాహిల్స్ : గుట్టుచప్పుడు కాకుండా వ్యభిచారగృహం నిర్వహిస్తున్న ఓ మహిళతోపాటు మరో ఇద్దరిపై జూబ్లీహిల్స్ పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. గుంటూరు జిల్లా తెనాలి సమీపంలోని బట్టిప్రోలు గ్రామానికి చెందిన ఓ మహిళ జూబ్లీహిల్స్ రోడ్ నెం 2లోని శ్రీకృష్ణానగర్లో ఓ ఇంటిని అద్దెకు తీసుకుని వ్యభిచారం నిర్వహిస్తున్నట్లు జూబ్లీహిల్స్ పోలీసులకు సమాచారం అందింది.
దీంతో ఆదివారం సాయంత్రం దాడులు చేసి మహిళతో పాటు ఓ యువకుడిని అదుపులోకి తీసుకున్నారు. నిర్వాహకుల మీద కేసు నమోదు చేసి అరెస్ట్ చేశారు.