కోల్కతా : పోర్నోగ్రఫీ కేసుకు సంబంధించి కోల్కతా పోలీసులు విదాన్నగర్లో ఓ వీడియోగ్రాఫర్ను అరెస్ట్ చేశారు. నిందితుడిని సవాంకర్ దేవ్ అలియాస్ రోనీ (30)గా గుర్తించారు. ఇదే కేసులో మోడల్, నటి నందితా దత్తా, ఆమె అసిస్టెంట్ మైనక్ ఘోష్లను అరెస్ట్ చేసిన సంతి తెలిసిందే. న్యూటౌన్ హోటల్లో వీడియో షూట్ కోసం నగ్నంగా నటించాలని నిందితులు తమను ఒత్తిడికి గురిచేశారని ఇద్దరు మోడళ్లు ఇచ్చిన ఫిర్యాదుపై అరెస్ట్లు జరిగాయి.
న్యూటౌన్ హోటల్లో జరిగిన దాడుల సందర్బంగా నిందితులకు, వ్యాపారి, పోర్న్ రాకెట్ కేసులో అరెస్టయిన రాజ్ కుంద్రాతో ఎలాంటి సంబంధం లేదని వెల్లడైందని పోలీసులు చెప్పారు. కాగా కోల్కతా పోర్నోగ్రఫీ కేసులో మరింత మంది ప్రమేయం ఉంటుందని భావిస్తున్నామని, ఈ రాకెట్పై భిన్న కోణాల్లో దర్యాప్తు చేపట్టామని తెలిపారు. వీడియోగ్రాఫర్పై పలు సెక్షన్ల కింద కేసు నమోదు చేశామని చెప్పారు.