e-Paper

Advertisement

E-Paper

Apps

Book Your Copy

Visit Telangana Today

Saturday, June 12, 2021
Home క్రైమ్‌ నికితా తోమర్ హత్య కేసులో ఇద్దరికి జీవిత ఖైదు

నికితా తోమర్ హత్య కేసులో ఇద్దరికి జీవిత ఖైదు

నికితా తోమర్ హత్య కేసులో ఇద్దరికి జీవిత ఖైదు

చండీగఢ్‌: హర్యానాలోని ఫరీదాబాద్‌లో గత ఏడాది సంచలనం రేపిన నికితా తోమర్‌ హత్య కేసులో ప్రధాన నిందితుడు తౌసిఫ్‌, అతడి అనుచరుడు రెహాన్‌ను దోషులుగా బుధవారం నిర్ధారించిన ఫరీదాబాద్ ‌జిల్లా ఫాస్ట్‌ట్రాక్‌ ‌కోర్టు శుక్రవారం శిక్షలు ఖరారు చేసింది. వారిద్దరికి జీవితకాల జైలు శిక్ష విధించింది. హత్యకు ఉపయోగించిన దేశీయ తయారీ తుపాకీని సరఫరా చేసిన ఆరోపణలపై అరెస్టయిన అజారుద్దీన్, అలియాస్ అజ్రును నిర్దోషిగా ప్రకటించింది.

గత ఏడాది అక్టోబర్‌ 26న కాలేజ్‌ నుంచి ఇంటికి వెళ్తున్న 21 ఏండ్ల నికితా తోమర్‌ను కిడ్నాప్‌ చేసేందుకు తౌసిఫ్ ‌ప్రయత్నించాడు. ఆమె ప్రతిఘటించడంతో తుపాకీతో కాల్పులు జరిపాడు. దీంతో నికితా తోమర్ ‌చనిపోయింది. పట్టపగలు జరిగిన ఈ హత్య సీసీటీవీలో రికార్డు అయ్యింది. దీంతో నిందితులు తౌసిఫ్‌, అనుచరుడు రెహాన్‌తోపాటు అజ్రును పోలీసులు అరెస్ట్‌ చేశారు.

నికితా తోమర్ హత్య కేసులో ఇద్దరికి జీవిత ఖైదు

కాగా, నికిత తనను మోసం చేసి మరొకరిని పెండ్లి చేసుకునేందుకు సిద్ధం కావడంతో ఆమెను చంపినట్లు నిందితుడు తౌసిఫ్‌ పోలీసులకు తెలిపాడు. ఆమె వల్ల తన జీవితం నాశనం అయ్యిందని, 2018లో నికిత కుటుంబ సభ్యుల ఫిర్యాదుతో తనను అరెస్ట్‌ చేయడంతో వైద్య విద్యను కొనసాగించలేకపోయినట్లు తెలిపాడు. అందుకే ప్రతీకారంతో నికితను హత్య చేసినట్లు కేసు దర్యాప్తు చేసిన సిట్‌కు వెల్లడించాడు.

మరోవైపు పెండ్లి చేసుకుని మతం మారాలని తమ కుమార్తెను తౌసిఫ్‌బలవంతం చేసినట్లు ఆమె తల్లిదండ్రులు ఆరోపించారు. ఈ నేపథ్యంలో ‘లవ్‌జిహాద్‌’ కోణంలో కూడా సిట్‌ దర్యాప్తు చేసింది.

Advertisement
-Advertisement-

తాజావార్తలు

Advertisement
నికితా తోమర్ హత్య కేసులో ఇద్దరికి జీవిత ఖైదు

ట్రెండింగ్‌

Advertisement