గురువారం 01 అక్టోబర్ 2020
Crime - Aug 17, 2020 , 21:00:50

తుంగభద్ర నదిలో వ్యక్తి గల్లంతు

తుంగభద్ర నదిలో వ్యక్తి గల్లంతు

జోగులాంబ గద్వాల : తెలంగాణ రాష్ర్టం జోగులాంబ గద్వాల జిల్లా రాజోలి మండల పరిధిలో తుంగభద్ర నదిలో ఆదివారం  రాత్రి ఓ యువకుడు గల్లంతయ్యాడు. వివరాలు.. రాజోలి మండలం తుమ్మిళ్ల గ్రామానికి చెందిన అంజి, రాఘవేంద్ర అనే యువకులు తమ గ్రామం నుంచి ప్రతి రోజు పుట్టిలో మద్యాన్ని అక్రమంగా తుంగభద్ర నది మీదుగా రాయలసీమ ప్రాంతానికి తరలిస్తుంటారు. ఇదే క్రమంలో ఆదివారం రాత్రి రవికుమార్‌కు చెందిన పుట్టిలో 36 మద్యం కేసులను తీసుకొని నది దాటుతుండగా ఉన్నట్టుండి ప్రవాహం పెరుగడంతో పుట్టి బోల్తా కొట్టింది. దీంతో ముగ్గురు నదిలో మునిగి పోగా అంజి, రాఘవేంద్ర ఈదుకుంటూ ఒడ్డుకు చేరారు. ఈత రాకపోవడంతో రవి నదిలో గల్లంతైనట్లు సమాచారం. శాంతినగర్ సర్కిల్ సీఐ వెంకటేశ్వర్లు, రెవెన్యూ అధికారులు ఘటనా స్థలానికి చేరుకొని గజ ఈతగాళ్ల సాయంతో రవికోసం గాలింపు చర్యలు చేపడుతున్నారు. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.


logo