మంగళవారం 26 జనవరి 2021
Crime - Dec 13, 2020 , 16:00:37

వివాహేతర సంబంధం.. వ్యక్తి దారుణ హత్య

వివాహేతర సంబంధం.. వ్యక్తి దారుణ హత్య

హైదరాబాద్ : నగరంలో దారుణం చోటుచేసుకుంది. అల్వాల్ పోలీస్ స్టేషన్ పరిధిలో శ్రీకాంత్‌రెడ్డి అనే యువకుడు దారుణ హత్యకు గురయ్యాడు. పోలీసుల కథనం మేరకు.. కనకరాజ్ అనే వ్యాపారి శ్రీకాంత్‌రెడ్డిని చంపి శ్మశానవాటికలో పూడ్చిపెట్టాడు. నిందితుడు కనకరాజ్‌ను రాచకొండ ఎస్వోటీ పోలీసుల అదుపులోకి తీసుకున్నారు. స్మశాన వాటికలోనే శ్రీకాంత్‌రెడ్డి మృతదేహానికి పోస్టుమార్టం నిర్వహించారు.

కనకరాజ్‌తో వివాహేతర సంబంధమున్న యువతిని శ్రీకాంత్‌రెడ్డి తీసుకు వెళ్లడంతో ఇద్దరి మధ్య వివాదం నెలకొంది. ఈ నేపథ్యంలో ఇద్దరిని తీసుకొచ్చిన కనకరాజ్.. జవహర్‌నగర్‌లోని ఓ ఇంట్లో బంధించాడు. 10 రోజుల పాటు శ్రీకాంత్‌రెడ్డిని హింసించి హతమార్చాడు. అనంతరం మృతదేహాన్ని పూడ్చిపెట్టారు. విషయం తెలుసుకున్న పోలీసులు కేసు నమోదు చేసి దర్యాప్తు చేపట్టారు. ఈ ఘటన స్థానికంగా సంచలనం సృష్టిస్తోంది.  


logo