e-Paper

Advertisement

E-Paper

Apps

Book Your Copy

Visit Telangana Today

Wednesday, April 21, 2021
Advertisement
Home క్రైమ్‌ ఛత్తీస్‌గఢ్‌లో మందుపాతర పేలి జవాన్‌ మృతి

ఛత్తీస్‌గఢ్‌లో మందుపాతర పేలి జవాన్‌ మృతి

ఛత్తీస్‌గఢ్‌లో మందుపాతర పేలి జవాన్‌ మృతి

కొత్తగూడెం : ఛత్తీస్‌గఢ్‌ ఏజెన్సీలో మావోయిస్టులు మరో ఘాతుకానికి పాల్పడ్డారు. భద్రతా బలగాలను టార్గెట్‌ చేస్తూ అమర్చిన మందుపాతర పేలి ఓ జవాన్‌ దుర్మరణం చెందాడు. ఇందుకు సంబంధించిన వివరాలను దంతేవాడ ఎస్పీ అభిషేక్‌ పల్లవ్‌ వెల్లడించారు. ఛత్తీస్‌గఢ్‌ రాష్ట్రం దంతేవాడ జిల్లా బర్సూర్‌ పోలీస్‌ స్టేషన్‌ పరిధిలోని పాహుర్‌నార్‌ సమీపంలో ఇంద్రావతి నది నిర్మాణ పనులు జరుగుతున్నాయి. ఈ పనుల వద్ద 22వ బెటాలియన్‌కు చెందిన జవాన్‌ లక్ష్మీకాంత్‌ ద్వివేది సెక్యూరిటీ విధులు నిర్వర్తిస్తున్నాడు.
మధ్యాహ్నం సుమారు 2గంటల సమయంలో లక్ష్మీకాంత్‌ సమీపంలోని ఓ చెట్టు కింద భోజనం చేసేందుకు వెళ్లాడు. అక్కడ జవాన్‌ భోజనానికి కూర్చునేందుకు ప్రయత్నించగా ఆ ప్రాంతంలో మావోయిస్టులు అమర్చిన ఇంప్రోవైజ్డ్‌ ఎక్స్‌ప్లోజీవ్‌ డివైస్‌ (ఐఈడీ) భారీ విస్పోటనం చెంది అక్కడికక్కడే మృతిచెందాడు. ఈ దుర్ఘటనలో జవాన్‌ లక్ష్మీకాంత్‌ మృతదేహం తునాతునకలై మాంసపు ముద్దలుగా పడిపోయింది. సమాచారం తెలుసుకున్న తోటి జవాన్లు వెంటనే అప్రమత్తమై ఆ ప్రాంతాన్ని తమ ఆధీనంలోకి తీసుకుని గాలింపులు చేపట్టారు. ఘటనలో మృతిచెందిన జవాన్‌ లక్ష్మీకాంత్‌ మృతదేహాన్ని జిల్లా కేంద్రానికి తరలించారు. ఈ ఘటనతో దంతేవాడ పోలీస్‌ యంత్రాంగం అప్రమత్తమయ్యింది. జవాన్‌ మృతికి పోలీస్‌ ఉన్నతాధికారులు సంతాపం ప్రకటించారు.

Advertisement
ఛత్తీస్‌గఢ్‌లో మందుపాతర పేలి జవాన్‌ మృతి

తాజావార్తలు

Advertisement

ట్రెండింగ్‌

Advertisement