ప్రథమవయసి పీతం తోయమల్ఫం స్మరంతః
శిరసి నిహితభారా నారికేళా నరాణామ్!
సలిలమమృతకల్పం దుద్యురాజీవితాంతం
న హి కృతముపకారం సాధవో విస్మరంతి!!
కొబ్బరి చెట్టు మొక్కగా ఉన్న దశలో మనం పోసిన నీరు తాగి వృక్షంగా ఎదుగుతుంది. అందుకు కృతజ్ఞతగా అది జీవితాంతం తన నెత్తిమీద కొబ్బరికాయల బరువు మోసి అమృతం వంటి నీటిని మనకు అందిస్తుంది. అలాగే, మంచివారు కూడా ఇతరులు చేసిన సహాయాన్ని ఎప్పటికీ మర్చిపోకుండా ఉంటారు. తాము పొందిన సాయానికి ప్రతిఫలంగా మరింతగా ఎక్కువ సాయమందిస్తారు. ఇతరుల మేలుకోసమే జీవిస్తారు.
టి.సుధాకరశర్మ