తిరువనంతపురం : ఎంపీ శశీథరూర్ ఓ మాట్రిమోనియల్ యాడ్ను చూసి అవాక్కు అయ్యారు. వరుడి కోసం యాడ్ ఇచ్చిన ఓ అమ్మాయి.. తాను ఓ రోమన్ క్యాథలిక్ అమ్మాయిని అని, కోవీషీల్డ్ టీకా తీసుకున్నానని, రెండు డోసులు వేసుకున్నట్లు ఆ యాడ్లో చెప్పిన ఆ యువతి.. ఇక వ్యాక్సిన్ వేసుకున్న రోమన్ క్యాథలిక్ వరుడి కోసం ఎదుచూస్తున్నట్లు పేర్కొన్నది. ఈ యాడ్ను ట్వీట్ చేసిన ఎంపీ శశిథరూర్ .. తనదైన స్టైయిల్లో పంచ్ వేశారు. వ్యాక్సిన్ తీసుకున్న వధువు.. వ్యాక్సినేట్ అయిన వరుడి కోసం ఎదురుచూస్తోందని, ఇక వారి మ్యారేజ్ గిఫ్ట్ కచ్చితంగా బూస్టర్ షాట్ అవుతుందని ఆయన చమత్కరిస్తూ ట్వీట్ చేశారు. ఇక నుంచి ఇదే సాధారణ పద్ధతిగా ఉంటుందేమో అన్న రియాక్షన్ కూడా ఆయన ఇచ్చారు. ఎంపీ శశిథరూర్ ట్వీట్కు నెటిజన్లు కూడా రియాక్ట్ అయ్యారు. వెరైటీ కామెంట్లతో చెలరేగిపోయారు. కానీ ఆ యాడ్ను యాప్లో తయారు చేసి పెట్టారని, అది ఒరిజినల్ న్యూస్ పేపర్ యాడ్ కాదు అని కొందరు ట్వీట్ చేశారు.