e-Paper

Advertisement

E-Paper

Apps

Book Your Copy

Visit Telangana Today

Saturday, September 18, 2021
Home క్రైమ్‌ పోలీస్‌ స్టేషన్‌లో టిక్‌ టాక్‌ వీడియో తీసిన యువకులు అరెస్ట్‌

పోలీస్‌ స్టేషన్‌లో టిక్‌ టాక్‌ వీడియో తీసిన యువకులు అరెస్ట్‌

లక్నో: పోలీస్‌ స్టేషన్‌లో టిక్‌ టాక్‌ వీడియో తీసిన నలుగురు యువకులు అరెస్ట్‌ అయ్యారు. ఉత్తరప్రదేశ్‌లోని ఆగ్రాలో ఈ ఘటన జరిగింది. ఆగ్రాలోని జగదీష్‌పురా పోలీస్ స్టేషన్ పరిధిలోని అవధపురి అవుట్‌పోస్ట్‌లో పోలీస్‌ సిబ్బంది లేకపోవడాన్ని నలుగురు యువకులు గమనించారు. దీంతో తమ మొబైల్‌ ఫోన్‌లో టిక్‌ టాక్‌ వీడియో తీశారు. ఒక పాటకు డ్యాన్స్‌ చేశారు. ఒక వ్యక్తి ఇన్స్‌స్పెక్టర్‌ కుర్చీలో కూర్చొని కాళ్లు టేబుల్‌పై పెట్టాడు. కాగా, ఈ వీడియో సోషల్‌ మీడియాలో వైరల్‌ అయ్యింది. దీంతో ఇది పోలీస్‌ అధికారుల దృష్టికి వచ్చింది.

ఈ నేపథ్యంలో పోలీసులు రంగంలోకి దిగారు. పోలీస్‌ అవుట్‌ పోస్ట్‌లో టిక్‌ టాక్‌ వీడియో తీసిన నలుగురు యువకులను గుర్తించి అరెస్ట్‌ చేశారు. అయితే పోలీస్‌ అవుట్‌ పోస్ట్‌ ఎందుకు ఖాళీగా ఉన్నది?, ఆ యువకులు లోపలకు ఎలా వెళ్లారు? అన్న ప్రశ్నలు తలెత్తాయి. కాగా, తాను మీటింగ్‌ కోసం బయటకు వెళ్లినప్పుడు ఈ ఘటన జరిగినట్లు పోలీస్‌ అవుట్‌పోస్ట్‌ ఇంచార్జి యోగేంద్ర కుమార్‌ తెలిపారు. మరోవైపు ఆ సమయంలో అవుట్‌పోస్ట్‌లో డ్యూటీలో లేని పోలీస్‌ సిబ్బందిపై చర్యలు తీసుకుంటామని ఉన్నతాధికారులు తెలిపారు.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana