లారీలో మంటలు.. డ్రైవర్ సజీవ దహనం

నిజామాబాద్: పట్టణంలోని  6వ పోలీస్ స్టేషన్ పరిధిలో దారుణం జరిగింది. రోడ్డు పక్కన ఆగి ఉన్న లారీలో ఒక్కసారిగా మంటలు చెలరేగాయి. దీంతో లారీ క్యాబిన్‌ దగ్ధమైంది. ఈ ప్రమాదంలో క్యాబిన్‌లో నిద్రిస్తున్న ఓ వ్యక్తి సజీవదహనం అయ్యాడు. బ్యాటరీ షార్ట్ సర్క్యూట్ కారణంగానే లారీలో మంటలు చెలరేగినట్లు పోలీసులు ప్రాథమికంగా నిర్ధారించారు. సజీవ దహనమైన వ్యక్తి లారీ డ్రైవరా లేదా యజమానా అనే విషయాలను పోలీసులు ఆరా తీస్తున్నారు. కేసు నమోదు చేసి, దర్యాప్తు చేస్తున్నారు.