e-Paper

Advertisement

E-Paper

Apps

Book Your Copy

Visit Telangana Today

Thursday, October 21, 2021
Home క్రైమ్‌ Crime | కన్నతల్లిని వేధిస్తున్నవ్యక్తులపై కేసు

Crime | కన్నతల్లిని వేధిస్తున్నవ్యక్తులపై కేసు

బంజారాహిల్స్ : ఆస్తికోసం కన్నతల్లిని వేధింపులకు గురిచేస్తుండడంతో పాటు ఇంట్లోంచి బయటకు గెంటేసేందుకు యత్నిస్తున్న కొడుకుతో పాటు అతడు సహజీవనం చేస్తున్న యువతిపై బంజారాహిల్స్​‍ పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. బర్కత్‌పురకు చెందిన బి.హేమలత(65) అనే వృద్ధురాలికి కొడుకు శ్రీకాంత్‌ ఉన్నాడు. మూడేళ్లుగా సింధూర‌రెడ్డి అనే యువతితో శ్రీకాంత్‌ సహజీవనం చేస్తూ బంజారాహిల్స్​‍ రోడ్‌ నెం 14లో నివాసం ఉంటున్నాడు.

హేమలతకు మీర్‌పేటలో ఉన్న ఇంటిని కొడుకు శ్రీకాంత్‌, సింధూర‌రెడ్డి కలిసి బలవంతంగా అమ్మించారు. వచ్చిన డబ్బులు తీసుకున్న కొడుకు తల్లి హేమలతను బాగా చూసుకుంటానని నమ్మించి ఆరునెలల క్రితం బంజారాహిల్స్​‍లోని తన ఇంటికి తీసుకువచ్చాడు. అప్పటినుంచి కొడుకు ఇంట్లోనే ఉంటున్న హేమలతను సింధూర‌రెడ్డి తీవ్రంగా దూషించ డంతో పాటు ఇబ్బందులకు గురిచేస్తోంది.

- Advertisement -

కొడుకు శ్రీకాంత్‌ కూడా తల్లిని వేధింపులకు గురిచేయడంతో పాటు ఇంట్లోంచి తరిమివేశారంటూ బాధితురాలు హేమలత బంజారాహిల్స్​‍ పోలీసులకు ఫిర్యాదు చేసింది.ఈ మేరకు శ్రీకాంత్‌తో పాటు సింధూర‌రెడ్డి మీద కేసు నమోదు చేశారు.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement