రైతుపై ఎలుగుబంట్ల దాడి ..తీవ్ర గాయాలు

మెదక్ : ఎలుగుబంట్ల దాడిలో ఓ రైతు తీవ్రంగా గాయపడ్డాడు. ఈ విషాద ఘటన జిల్లాలోని హవేలీఘనపూర్ మండలం కొత్తపల్లిలో చోటు చేసుకుంది. గ్రామానికి చెందిన రైతు కుర్మ మొగులయ్య తన పొలం వద్దకు వెళ్లాడు. ఈ క్రమంలో రైతుపై మూడు ఎలుగుబంట్లు ఒక్కసారిగా దాడి చేశాయి. దాడిలో మొగులయ్యకు తీవ్ర గాయాలయ్యాయి. గుర్తించిన స్థానికులు అతడిని మెదక్ ఏరియా దవాఖానకు తరలించారు. ప్రథమ చికిత్స అందించిన తరువాత మెరుగైన వైద్యం కోసం హైదరాబాద్ కు తరలించారు.