సోమవారం 25 జనవరి 2021
Crime - Jan 02, 2021 , 15:46:20

రుణ యాప్‌ నిర్వాహకుల వేధింపులకు మరో యువకుడు బలి

రుణ యాప్‌ నిర్వాహకుల వేధింపులకు మరో యువకుడు బలి

మేడ్చల్‌ : రుణ యాప్‌ నిర్వాహకుల వేధింపులకు మరో యువకుడు బలయ్యాడు. ఈ విషాద సంఘటన మేడ్చల్‌ మల్కాజ్‌గిరి జిల్లా గుండ్లపోచంపల్లిలో చోటుచేసుకుంది. చంద్రమోహన్‌ అనే వ్యక్తి యాప్‌ నుండి రుణాన్ని పొందాడు. లోన్‌ చెల్లించాలంటూ యాప్‌ నిర్వాహకులు చంద్రమోహన్‌ను వేధింపులకు గురిచేశారు. రుణ యాప్‌ నిర్వాహకుల బెదిరింపులపై వ్యక్తి గతంలోనే పోలీసులకు ఫిర్యాదు చేశాడు. అయినా లోన్‌ చెల్లించలేదని పేర్కొంటూ చంద్రమోహన్‌ సెల్‌ఫోన్‌లోని నంబర్లకు యాప్‌ నిర్వాహకులు మేసేజ్‌లు పంపారు. దీంతో సన్నిహితులకు విషయం తెలిసిందని మనస్తాపం చెందిన వ్యక్తి ఉరేసుకుని ఆత్మహత్య చేసుకున్నాడు.


logo