పెద్ద పులి దాడిలో ఆసిఫాబాద్ యువ‌కుడు మృతి

కుమ్రం భీం ఆసిఫాబాద్ : ‌జిల్లాలోని ద‌హేగాం మండ‌లంలోని దిగెడ గ్రామంలో పెద్ద పులి బీభ‌త్సం సృష్టించింది. దిగెడ గ్రామ స‌మీపంలో ప‌శువుల‌ను మేపుతున్న గ‌ణేశ్‌(22)పై పెద్ద‌పులి దాడి చేసింది. అంత‌టితో ఆగ‌కుండా అట‌వీ ప్రాంతంలోకి గ‌ణేశ్‌ను లాక్కెళ్లింది. గ‌ణేశ్‌తో పాటు మ‌రో యువ‌కుడు ప‌శువుల‌కు కాప‌లాగా ఉన్నాడు. అత‌ను అరుచుకుంటూ గ్రామంలోకి ప‌రుగెత్తుకొచ్చే స‌రికి, గ్రామ‌స్తులంతా క‌లిసి అడ‌వి వైపు వెళ్లారు. స్థానికుల అరుపుల‌కు భ‌య‌ప‌డిన పెద్ద పులి గ‌ణేశ్‌ను వ‌దిలేసి వెళ్లిపోయింది. పెద్ద‌పులి దాడిలో గ‌ణేశ్ ప్రాణాలు కోల్పోయాడు. గ్రామ‌స్తుల స‌మాచారంతో ఘ‌ట‌నాస్థ‌లికి అట‌వీశాఖ అధికారులు, పోలీసులు చేరుకున్నారు. గ‌ణేశ్ మృత‌దేహాన్ని స్వాధీనం చేసుకున్నారు. మృతుడి నివాసంలో విషాద‌ఛాయ‌లు అలుముకున్నాయి.