ఎత్తున ఉంటే తెలంగాణకు నీళ్లు రావా?


Mon,September 12, 2011 06:05 PM

‘తెలంగాణ ఎత్తు మీద ఉండటం మూలాన ఆంధ్రవూపదేశ్ రాష్ట్రం విడిపోయి తెలంగాణ రాష్ట్రం ఏర్పడ్డాక కూడా తెలంగాణకు నీళ్లు రావు’ అని సీమాంవూధవాదులంటున్నారు. ఇది ఎంత వరకు నిజం?

-ఎ. రచన, సికింద్రాబాద్



neelu-lijalu-telangana News talangana patrika telangana culture telangana politics telangana cinemaఇది పూర్తిగా అబద్ధం. తెలంగాణ ఎత్తుపైన ఉండటానికి ఆంధ్రవూపదేశ్ విడిపోవడానికి సంబంధం లేదు. తెలంగాణ ఎత్తు మీద ఉండటమనేది భౌగోళిక, నైసర్గిక సమస్య. ఆంధ్రవూపదేశ్ రాష్ట్రంలో తెలంగాణ, రాయలసీమ, కోస్తాంధ్ర మూడు ప్రాంతాలున్నాయి. తెలంగాణతో పోలిస్తే కోస్తాంధ్ర దిగువన ఉండటం, సమువూదానికి దగ్గరగా ఉన్న మాట నిజం. రాయలసీమలో కొంత భాగం ఎత్తుపైన, మరి కొంత భాగం కొంత దిగువన ఉన్నది.

తెలంగాణతో పోలిస్తే రాయలసీమ తక్కువ ఎత్తులో, కోస్తాంవూధకు ఎగువన ఉంది. కనుకనే గోదావరి, కృష్ణా నదుల నీరు తెలంగాణ నుంచి కోస్తాంవూధకు, కృష్ణా నది నుంచి పెన్నానదికి (రాయలసీమ) గ్రావిటీ మార్గంగా (వాలు మార్గం గా) ప్రవహిస్తాయి. అయితే రాయలసీమలో ఎత్తై ప్రదేశాలు లేకపోలేదు. ఉదాహరణకు అనంతపురం. ఈ జిల్లాకు నీరు చేరాలంటే కర్ణాటక రాష్ట్రంలో తుంగభద్ర నుంచి ఎగువ తుంగభద్ర కుడి కాలువ నుంచి గ్రావిటీ మార్గంగానైనా చేరాలి. లేక మన రాష్ట్రంలోని శ్రీశైలం నుంచి హంద్రీనీవా కాలువ ద్వారా ఎత్తిపోతల మార్గంగానైనా చేరాలి.

ఎప్పుడైనా ఎక్కడైనా పంట భూమితో పోలిస్తే నదులు దిగువనే (తక్కువ ఎత్తులో) ఉంటాయి. కాబట్టి పంట భూములకు నీరు చేరాలంటే నదులకు అడ్డుకట్టలు వేసి నీటిని ఎత్తుకు లేపి వాలు మార్గంగా, గురుత్వాకర్షణ శక్తి ఆధారంగా (దీన్నే గ్రావిటీ) ప్రవహింప చేయవలసి ఉంటుంది. నదిలోని నీటిని ఏమేరకు ఎత్తవలసి ఉంటుందనేది నదీ పరిసరాలు, భౌగోళిక, భూగర్భ ఇంకా ఇతర అంశాలపై ఆధారపడి ఉంటుంది. ప్రపంచంలో పెద్ద పెద్ద ఆనకట్టలు కొండల మధ్య నదికి అడ్డుగా విలసిల్లాయి. మన దేశంలో నాగార్జునసాగర్, శ్రీశైలం, పంజాబ్‌లోని భాక్రా ప్రాజెక్టులు పెద్ద కాంక్రీట్, రాతి కట్టడాల ప్రాజెక్టులకు ఉదాహరణలు.

చుట్టుపక్కల ఎత్తై కొండలు లేకపోతే, ఆనకట్టలు చాలా పొడవుగా మట్టి (Rock fill)తో కట్టడం, వరద ప్రవహించే భాగాన్ని కాంక్రీట్ లేక మేసనరీ (Masonary లేక రాతి కట్టడం)తో కట్టడం జరుగుతుంది. వీటికి ఉదాహరణలు శ్రీరాంసాగర్, ఒరిస్సాలోని హీరాకుడ్. పెద్ద డ్యాంలు కట్టడానికి అవకాశం లేనిచోట నదులపైన చిన్న కట్టడాలు బ్యారేజీలు, ఏనీకట్ (Anicut)లు నిర్మిస్తారు. తీరాంధ్ర ప్రాంతంలో బ్యారేజీలను నిర్మించడం ఆనవాయితీ. మంజీరాపై కట్టిన ఘనపురం ఏనీకట్, కోస్తాంవూధలో నిర్మించి న ప్రకాశం, ధవళేశ్వరం బ్యారేజీలు వీటికి ఉదాహరణలు. డ్యాంలు నిర్మించడం మూలంగా ఏర్పడ్డ జలాశయాల్లో ఎక్కువ నీరు నిలువ చేయడం జరుగుతుంది. బ్యారేజీలు, ఏనీకట్‌లు నదీ మళ్లింపు కట్టడాలు (River Diver sion Structures). మామూలుగా కొన్ని రోజుల అవసరాలకు సరిపడా నీటిని మాత్రమే నిలువ చేయగల సత్తా వాటికుంటుంది.

డ్యాంలో నిలువచేసే నీరు ‘బిందె’ అనుకుంటే, బ్యారేజీ, ఏనీకట్‌లో నిలువచేసే నీరు ‘గిన్నె’ లేక ‘గ్లాసు’ అనుకోవాలి. చెప్పొచ్చేదేమంటే నదిలోని నీటిని నిలువ చేయాలంటే చిన్నదో, పెద్దదో కట్టడం కావాలి. ఆ కట్టడంలో నిలువచేసే నీటి స్థాయి (Elevation) కంటే పంటభూమి స్థాయి (Elevation) దిగువన ఉంటేనే గ్రావిటీ మార్గంగా నీరు చేరుతుంది. లేకపోతే నీటిని ఎత్తిపోతల ద్వారా పంట భూముల స్థాయికి చేర్చవలసుంటుంది.

ఆంధ్రవూపదేశ్ సమైక్యంగా ఉన్నా, తెలంగాణ ఏర్పడ్డా నదులస్థాయి, పంట భూములస్థాయి మారదు. కనుక తెలంగాణ వస్తే నీళ్లు అందవు అన్న మాట లు తెలంగాణ వ్యతిరేకులు మాట్లాడుతున్న అబద్ధాలు. అయితే తెలంగాణలోని నదీ జలాల, పంట భూములు, నీటి నిలువ చేయగల కట్టడాల పరిస్థితిని అర్థం చేసుకోవలసి ఉంటుంది. తెలంగాణకు (ఆ మాటకొస్తే మొత్తం రాష్ట్రానికి) జలసిరిని అందించే పెద్ద నది గోదావరి. దీనిపైన శ్రీరాంసాగర్ కట్టడం ఉంది. అక్కడి నుంచి కాలువ లు, గ్రావిటీ మార్గంగా నీటిని చేరవేస్తున్నాయి. ఉప నదులైన మంజీరాపై సింగూరు, నిజాంసాగర్, కడంపైన కడం డ్యాంలు నిర్మితమైనయి. ఇవి కూడా వాలు మార్గంగా నీటిని అందిస్తున్నా యి. ప్రధాన గోదావరిపైన శ్రీరాంసాగర్‌కు దిగువన ‘ఇచ్చంపల్లి’ పెద్ద ఆనకట్టకు అవకాశముండె.

కానీ అంతర్‌రాష్ట్ర ముంపు సమస్యల మూలంగా అది కట్టడానికి పొరుగు రాష్ట్రాలు ఒప్పకోకపోవడం వల్లనైతేనేం, మన ప్రభుత్వం పొరుగు రాష్ట్రాలను ఒప్పించలేకపోవడం వల్లనైతేనేం ఇచ్చంపల్లి మరుగున పడింది. కనుక ఇంకే ‘డ్యాం’ సాధ్యపడటం లేదు. కాబట్టి కడుతున్న, కట్టబోయే ప్రాజెక్టులన్నీ ఎత్తిపోతలే. అంటే నదిలో చిన్నవో, ఓ మోస్తరువో కట్టడాలు నిర్మించి, కొంత నీటిని నిలువచేసి, పంపుల ద్వారా నీటిని కాలువలు, సొరంగాల ద్వారా పంట భూములకు చేరవేయడం. ఇది తప్ప మరో ప్రత్యామ్నాయం లేదు. గోదావరిపైన నిర్మిస్తున్న ఎల్లంపల్లి, దేవాదుల, దుమ్ముగూడెం, రాజీవ్ సాగర్ స్కీం, ఇందిరాసాగర్, రుద్రంకోట స్కీం, నిర్మింప తలపెట్టిన ప్రాణహిత-చే దుమ్ముగూడెం-సాగర్ టెయిల్‌పాండ్, కంతనపల్లి అన్నీ కూడా ఎత్తిపోతల పథకాలే.

వీటికి విద్యుత్తు, నీటిని మార్గ మధ్యంలో నిలువచేయగల బ్యాలెన్సింగ్ జలాశయాలు అవసరమవుతాయి. తెలంగాణ గోదావరి నదిలోని 80 శాతం పరీవాహక ప్రాంతాన్ని, కృష్ణలో 68.5 పరీవాహక ప్రాంత శాతాన్ని ఆక్రమించుకుని ఉంది. గోదావరిలో పుష్కలంగా నీరుంది. గోదావరి నీటిని ఉపయోగించుకోవడానికి సంసిద్ధంగా తెలంగాణలో సారవంతమైన భూములున్నాయి. సమస్య ఒక్కటే. Elevation అంటే పంటభూములు ఎత్తున ఉండటం. కనుక నీటిని నది నుంచి ఎత్తిపోతల ద్వారా భూములకు చేర్చడం మినహా మరో మార్గం లేదు. గోదావరితో పోలిస్తే కృష్ణానది కాస్తా మెరుగు. కాకపోతే అక్కడి సమస్య నీటి కొరత. గోదావరిలో మన (రాష్ట్ర) వాటా1480 టీఎంసీలు, కృష్ణలో 811 టీఎంసీలు. గోదావరి నీటిని యాభై శాతం మాత్రమే వినియోగించుకున్నాం.

కృష్ణలో నీటిని పూర్తిగా వినియోగించుకున్నాం. ఇక కృష్ణలో ఉపయోగించుకోవడానికి నికర జలాలు లేవు. ఉంటేగింటే మిగులు జలాలే. వాటిపైన హక్కును ఇంకా నిర్ధారించలేదు. ప్రస్తుతం కృష్ణా నదిపైన జూరాల, నాగార్జునసాగర్ డ్యాంల నుంచి తెలంగాణకు నీరు గ్రావిటీ మార్గంగా చేరుతోంది. తుంగభద్ర పైన కట్టిన రాజోలిబండ, మూసీపైన మూసీ ప్రాజెక్టు, డిండీపైన డిండీ ప్రాజెక్టు నుంచి కూడా ప్రవాహ మార్గంగా నీరు పొలాలకు చేరుతోంది. కోయిల్‌సాగర్, నెట్టంపాడు, కల్వకుర్తి పథకాలు ఎత్తిపోతలపై ఆధారపడ్డాయి. అవి నిర్మాణంలో ఉన్నాయి.

ఇక ‘ఎత్తిపోతల’ విషయానికి వస్తే నాగార్జునాసాగర్‌లో నిలువచేసిన నీటిని ఎత్తిపోతల ద్వారా హైదరాబాద్‌కు తాగునీటి కోసం అందిస్తున్న విష యం తెలిసిందే. (మంజీరా నదిపైన నిర్మించిన సింగూరుకు అదనంగా) ఎలిమినేటి మాధవడ్డి ప్రాజెక్టు ద్వారా సాగునీటిని ఎత్తిపోతల ద్వారా కొంత మేరకు అందిస్తున్నారు. ఇక ఎత్తిపోతల సాధ్యాసాధ్యాల విషయానికొస్తే ఒకప్పుడు ఎత్తిపోతల ద్వారా నీటిని సాగు ప్రయోజనాలకు వాడటం అనేది ఊహలకందని విషయం. కానీ సాంకేతిక పరిజ్ఞానం పెరగడంతో అదిప్పుడు తేలిగ్గా సాధ్యపడుతోంది.

అమెరికాలో Central Ariyona ప్రాజెక్టు అనే భారీ సాగునీటి ప్రాజెక్టును నిర్మించారు. ఆ ప్రాజెక్టు ద్వారా 65 టీఎంసీల నీటిని (మూడువేల క్యూసెక్కులు) 333 మైళ్ల దూరంలో రెండు వేల తొమ్మిది వందల తొమ్మిది అడుగుల ఎత్తుపైన ఉన్న క్షేత్రాలకు చేరవేస్తున్నారు. మన రాష్ట్రంలో ఇప్పు డు విజయవంతంగా పని చేస్తున్న ఎత్తిపోతల పథకం ఎఎంఆర్‌పి (ఎలిమినేటి మాధవడ్డి పథకం) ద్వారా 22 టీఎంసీల (600 క్యూసెక్కుల) కృష్ణా నీటిని సుమారు 100 మీటర్ల ఎత్తుకు చేరవేస్తున్నారు. పాక్షికంగా పూర్తయిన మరో పథకం దేవాదుల. ఈ పథకం ద్వారా 38.16 టీఎంసీల గోదావరి నీటిని 70మీటర్ల స్థాయి నుంచి 581 మీటర్ల స్థాయి వరకు అంటే 511 మీటర్ల ఎత్తుకు చేరవేసి 6,20,000 ఎకరాలను సాగుచేసే ప్రణాళికకు ప్రణాళికా సంఘం ఆమోదముద్ర వేసింది.

ఇదే విధంగా రాయలసీమలో హంద్రీనీవా కూడా ఓ భారీ ఎత్తిపోతల పథకం. ఇది నిర్మాణంలో ఉంది. ఈ పథకం ద్వారా కృష్ణా వరద లేక మిగులు జలాలను (40 టీఎంసీలు) 565 కిలో మీటర్లు, 340 మీటర్ల ఎత్తుకు చేరవేసే ప్రణాళిక ఉంది. నిర్మాణం తలపెట్టిన మరో భారీ పథకం ప్రాణహిత-చే ఎత్తిపోతల పథకం. ఇది అమలు అయ్యాక తెలంగాణలోని 16 లక్షల 40 వేల ఎకరాలు సాగవుతుంది. ఈ పథకం ద్వారా 160 టీఎంసీల నీటిని 140 మీటర్ల స్థాయి నుంచి 580 మీటర్ల స్థాయికి ఎత్తిపోస్తారు. ఒక్కమాటలో చెప్పాలంటే తెలంగాణలో కృష్ణానది మిగులు లేక వరద జలాలు వాడుకోవాలన్నా, గోదావరిలో నికర, మిగులు, వరద జలాలు వాడుకోవాలన్నా ఎత్తిపోతలు తప్ప ఇంకోదారి లేదు. నీటి అమలు కోసం విద్యుత్తు, నీటిని నిలువ చేసుకోవడానికి జలాశయాలు, బ్యాలెన్సింగ్ రిజర్వాయర్లు, చెరువులు వగైరా అవసరమవుతాయి.

కనుక మనముందున్న తక్షణ కర్తవ్యం ఏమంటే గోదావరిలో పుష్కలంగా లభించే జలాలను ఏ విధంగా తక్కువ ఖర్చుతో రైతులకు భారం కాకుండా తెలంగాణ భూములను సస్యశ్యామలం చేయగలం అన్నది. ఇది ఛాలెంజ్‌గా తీసుకుని తెలంగాణ ఇంజనీర్లు, రైతులు, ప్రజావూపతినిధులు నడుం బిగించవలసి ఉంటుంది.

ప్రాజెక్టులు-ముచ్చట్లు
సాగునీటి ప్రాజెక్టులలో మూడు రకాలు. భారీ, మధ్యతరహా, చిన్నతరహా. 25 వేల ఎకరాలకు పైబడి సాగు కల్పించే ప్రాజెక్టు భారీగా, ఐదు వేల ఎకరాల నుంచి 25 వేల ఎకరాలకు లోబడి సాగు కల్పించే ప్రాజెక్టు ను మధ్యతరహా, ఐదు వేల ఎకరాల కన్నా తక్కువ సాగు కల్పించే ప్రాజెక్టును చిన్నతరహా ప్రాజెక్టుగా వ్యవహరిస్తున్నారు.

కుంటలు, చెరువులు, బోరుబావులు వగైరా చిన్నతరహా కిందికే వస్తాయి. పెద్ద ప్రాజెక్టులలో నిలువ చేసే నీటిని టీఎంసీలలో కొలిస్తే (శత కోటి ఘనపు అడుగులు) చిన్న తరహా ప్రాజెక్టులలో నిలువ చేసే నీటిని మిలియన్ క్యూబిక్ ఫీట్లలో అంటే (పది లక్షల ఘనపు అడుగుల యూనిట్లలో)కొలుస్తారు.
జలాశయంలో నిలువచేసే పూర్తి నీటిస్థాయిని Full Reservoir Levelఅని, వరదలు వస్తే తాత్కాలికంగా నిలువరించే అత్యధిక నీటి స్థాయిని Maximum Reservoir Level అని అంటాం. చెరువులు, కుంటలలో వరద నీరుపోవడానికి ఏర్పాటు చేసే వ్యవస్థను ‘మత్తడి’ అన్నట్టే డ్యాంలలో వరదనీరు పోవడానికి ఏర్పాటయ్యే కట్టడాన్ని ‘స్పిల్ వే’ (Spill way)అంటాం.

ఒక ప్రదేశం ఎంత ఎత్తులో (ELevation) ఉన్నది అని చెప్పడానికి మీటర్లు లేక అడుగులు వాడతాం. హైదరాబాద్ విమానాక్షిశయం 534 మీటర్లు అంటే సముద్ర మట్టానికి 534 మీటర్ల ఎత్తులో ఉందన్నమాట. శ్రీశైలం పూర్తి జలస్థాయి 885 అడుగులు అంటే సముద్ర మట్టంతో పోలిస్తే 885 అడుగుల ఎత్తన్న మాట. ఒకేస్థాయిలో రెండు బిందువులను కలిపే రేఖ కాంటూరులు. కాంటూరులు నిజంగా కనిపించే రేఖలు కావు. కేవలం ఊహాజనితం. ఒకే ఎత్తుపై ఉన్న ప్రదేశాలను సూచించే కాల్పనిక రేఖ మాత్రమే ‘కాంటూరు’.

-ఆర్.విద్యాసాగర్‌రావు
కేంద్ర జల సంఘం మాజీ చీఫ్ ఇంజనీర్


35

Vidyasagar Rao

Published: Sat,June 6, 2015 12:18 AM

కొత్తరాష్ట్రంలో సాగునీటి ప్రయాణం

తెలంగాణలో మొదటిసారిగా చిన్న నీటిపారుదల వనరుల లెక్కింపు జులై 2014లో చేపట్టారు. చిన్న నీటి పారుదల శాఖ నిర్మించి నిర్వహిస్తున్న

Published: Tue,December 3, 2013 06:14 AM

కొత్త ట్రిబ్యూనల్ తీర్పుతో రాష్ట్రానికి తిప్పలే!

బిజేశ్‌కుమార్ ట్రిబ్యూనల్ 2013 నవంబర్ 29న తుది తీర్పును వెల్లడించింది.దీనిపై మహారాష్ట్ర, కర్ణాటక రాష్ట్రాలు హర్షాన్ని ప్రకటించగా,

Published: Sat,November 2, 2013 12:35 AM

నిర్వచించబడని సెక్యులరిజం!

1947లో పాకిస్థాన్ ఇస్లాం దేశంగా ఆవిర్భవించినప్పుడు, భారతదేశం కూడా భగవంతుణ్ణే సర్వాధికారిగా ఎంచుకున్న రాజ్య వ్యవస్థగా వెలిస్త

Published: Sun,August 18, 2013 11:59 PM

తెలంగాణ ఏర్పడితే సీమాంవూధకు నీళ్లురావా?

తెలంగాణ ఏర్పాటైతే నీటి పంపకాల సమస్యలు వస్తాయని సీఎం కిరణ్‌కుమార్‌రెడ్డి, ఇతర సీమాంధ్ర నేతలు నెత్తిననోరు పెట్టుకుని మొత్తుకుంటున్

Published: Fri,March 22, 2013 02:40 AM

గిరిజనులకు పోరాటమే మార్గం

గిరిజనులను కొండకోనల్లోకి తరిమికొట్టారు. ఇప్పుడు ఆస్థలాల నుంచి కూడా అటవీ అధికారు లు వేరే ప్రాంతాలకు తరలిపోవాలంటారు. చట్ట ప్రకారం గి

Published: Mon,March 4, 2013 12:26 AM

బాబ్లీ తీర్పు, నిట్టూర్పు? ఓదార్పు?

ఫిబ్రవరి 28, 2013న సుప్రీంకోర్టు బాబ్లీ ప్రాజెక్టుపై తుది తీర్పు వెల్లడించింది. అది తెలంగాణ ప్రయోజనాలకు గొడ్డలిపెట్టని,‘శ్రీరాంసా

Published: Tue,February 5, 2013 12:02 AM

పాదయాత్రలు ఫలించేనా?

రాష్ట్రంలో వివిధ పార్టీల పాదయావూతల గమ్యం అగమ్యగోచరంగా ఉంది. ఎక్కడనుంచి యాత్ర ప్రారంభించినా అసెంబ్లీ చేరుకొని ముగిస్తే దానికి అర్

Published: Thu,January 24, 2013 11:40 PM

పతాక రూపకర్తను స్మరించుకుదాం

ఒక జాతి స్వాతంత్య్రం, సౌభాగ్యం ఆ జాతి పతాకంలో ప్రతిబింబిస్తాయని ప్రతీతి. అలాంటి జాతీయ పతాకాన్ని భారతజాతికి అందించిన మహత్తర రూపశిల్

Published: Sun,December 30, 2012 11:53 PM

అబద్ధాల మాటలు- దోపిడీ చేతలు

ఈమధ్య మీరు చాలా కాలంగా అటు ‘నమస్తే తెలంగాణ’లోగానీ, ఇటు ‘టీ-న్యూస్’లోగానీ మరే ఇతర ఛానల్‌లోనూ కనిపించకపోవడంతో ఏమైందా అని కొంత ఆందోళన

Published: Mon,November 26, 2012 12:19 AM

జలదోపిడీయే హంద్రీ నీవా

హంద్రీనీవా ప్రాజెక్టుకు ఇటు తెలంగాణ నాయకులు అటు కోస్తాంధ్ర నాయకులు నీళ్లు వదలడం అక్రమమంటున్నారు. ప్రాజెక్టు కట్టుకున్నాక నీళ్లు వ

Published: Sun,November 18, 2012 10:42 PM

బాబ్లీ- భిన్న వాదనలు

సుప్రీంకోర్టులో 8-11-2012 నాడు బాబ్లీపై సుదీర్ఘమైన వాదనలు జరిగినట్టు, సుప్రీంకోర్టు తీర్పును రిజర్వ్ చేసినట్టు టీవీల్లో చూశాను. మ

Published: Mon,November 12, 2012 12:13 AM

ప్రాణహిత- చేవెళ్లకు అన్నీ అవాంతరాలే!

ప్రాణహిత చేవెళ్ళ ప్రాజెక్టుపై నాయకులు ఇదిగో కేంద్రం నుంచి జాతీయ ప్రాజెక్టు ఆమోదం త్వరలో రాబోతోంది అన్నట్టు మాట్లాడుతున్నారు. మీరేమ

Published: Mon,November 5, 2012 12:14 AM

సద్దుమణిగిన సింగూరు జలవివాదం

ఈ మధ్య సింగూరు జలవివాదం ఉపముఖ్యమంత్రి, ముఖ్యమంత్రి మధ్య బేధాభివూపాయాలకు దారి తీసిందని అది చివరకు, ఇందిరమ్మ బాట వాయిదా పడటానికి

Published: Mon,October 29, 2012 12:05 AM

రైతులు ఇకనైనా కళ్లు తెరవాలి

ఒక పక్కన వానలు తగ్గుతూ ఉన్నయి. మరో పక్కన వచ్చిన వరదను పై రాష్ట్రాలు అడ్డుకుని మన రాష్ట్రానికి నీరు రాకుండా చేస్తున్నయి. ఇలాంటి పరి

Published: Tue,October 23, 2012 12:22 AM

జీవ వైవిధ్యం:ఆచరణలో విరుద్ధం

ప్రముఖుల ప్రకటనల మద్దతుతో, ఇతరులిచ్చిన వందలకోట్ల రూపాయల నిధుల తో, అంతరించిపోయిన జీవుల తీపి గుర్తులుగా తీర్చిదిద్దిన బొమ్మల సమాహారం

Published: Mon,October 22, 2012 04:41 AM

బాబ్లీ బాగోతం

బాబ్లీ ప్రాజెక్టుపైన సుప్రీంకోర్టు తీర్పు నవంబర్ 8న వెల్లడించే అవకాశముందని మీడియా తెలిపింది. ఇటీవల సుప్రీంకోర్టులో జరిపిన వాదనలను

Published: Sun,October 14, 2012 11:29 PM

ముదురుతున్న జలవివాదాలు

కావేరీ జలజగడమేంది? దీనిపైన కర్ణాటక, తమిళనాడు కొట్టుకు చస్తున్నంత పనిచేస్తున్నాయి. ఇట్లా నీళ్లకోసం ప్రజలు తన్నుకు చస్తుంటే కేంద్ర

Published: Mon,October 8, 2012 12:18 AM

కలిసుంటే ఎవరికి సుఖం?

కలిసుంటే కలదు సుఖమని, రాష్ట్రం సమైక్యంగా ఉంటేనే అభివృద్ధి అని, తెలుగువారంతా కలిసే ఉండాలని, రాష్ట్రం పెద్దదిగా ఉంటే కేంద్రంతో బాగా

Published: Mon,October 1, 2012 01:12 AM

న్యూ(టో)టన్(పురో)గమన సూత్రాలు

ఈమధ్య సమైక్యాంధ్ర విద్యార్థి నాయకుడు మాట్లాడుతూ కర్ణాటక ఆలమట్టిని నిర్మించి ఆంధ్రవూపదేశ్‌కు నీళ్లు రాకుండా చేసిందని, ఒడిషా ఛత్తీస్

Published: Mon,September 24, 2012 12:36 AM

బాబ్లీ: మహారాష్ట్ర నీటి చౌర్యం

బాబ్లీ ప్రాజెక్టు మహారాష్ట్ర వాళ్లది. శ్రీరాంసాగర్ ప్రాజెక్టు మనది. మన ప్రాజెక్టు జలాశయ పరిధిలో మహారాష్ట్ర వాళ్లెట్లా కట్టారో అర

country oven

Featured Articles