నాడు ఇందిర, నేడు మోదీ


Sun,August 25, 2019 08:06 AM

katta-shekar-reddy
రాజకీయాల్లో ఒక్కో నాయకుడికి ఒక మహర్దశ వస్తుంది. అది సద్వినియోగం చేసుకున్నవారు చరిత్రలో మిగులుతారు. దుర్వినియోగం చేసినవారు కాలగర్భంలో కలసిపోతారు. ఇప్పుడు నరేంద్ర మోదీకి, ఆయన మిత్రు డు అమిత్ షాకు అటువంటి దశే నడుస్తున్నది. ఒకప్పుడు చిదంబ రం ఇటువంటి దశనే అనుభవించాడు. అది శాశ్వతం కాలేదు. ఇప్పుడున్నదీ శాశ్వతం కాదు. ఆ రోజు అమిత్ షాను చిదంబరం వెంటాడారు. ఇవ్వాళ చిదంబరాన్ని అమిత్ షా వెంటాడుతున్నారు. ఎవరూ పవిత్రులు కారు. బయటున్నవారు నేరా లు చేయలేదని కాదు, లోపలున్నవారూ అమాయకులని చెప్పలేం. కాలచక్రం మనుషుల స్థానాలను మార్చుతుంది-అంతే. సమాజం గుర్తు పెట్టుకునే మంచి పనులు చేసి చరిత్రలో నిలిచిపోతారు కొందరు. సమాజం భరించలేని, మరిచిపోలేని ఘోరాలు చేసి చరిత్రకెక్కుతారు ఇం కొందరు. మానవజాతి చరి త్ర అంతా ఇలాగే జరిగింది. బుద్ధుడిని ఒకందుకు గుర్తుపెట్టుకుంటాం. అశోకుడిని ఆదర్శాలకు తలొగ్గినందుకు గుర్తుపెట్టుకుంటాం. మౌర్యు లు, శాతవాహనులు, కాకతీయులు- వారిని వారు చేసిన మంచిపనులతో గుర్తుపెట్టుకుంటాం. అలెగ్జాండర్‌ను, ఘోరీలను, గజనీలను, హిట్లర్‌లను వారి యుద్ధపిపాసను ద్వేషిస్తూ గుర్తుపెట్టుకుం టాం. మానవజాతికి వారు చేసిన ద్రోహాలను మననం చేసుకుంటూ గుర్తుపెట్టుకుంటాం. ఆధునిక రాజకీయ నాయకత్వం చరిత్రను మరిచిపోకూడదు. ఇదే శాశ్వతమని విర్రవీగకూడదు. మంచిని పెంచి, మంచిని ప్రచారం చేసి, మంచిపనులు చేసి చరిత్రలో నిలిచిపోవాలి. విద్వేషాన్ని ప్రచారం చేసి, అబద్ధాలను సమాజంపై కుమ్మరించి, ఇష్టారాజ్యంగా వ్యవహరించి, ప్రజలను మభ్యపెట్టి చరిత్రలో నిలిచిపోయిన నాయకులు లేరు.

బీజేపీ ఆర్థికరంగంలో విఫలమై, ఆ కష్టనష్టాలను అందమైన తివాచీ కింద కప్పిపెట్టి, భావోద్వేగ రాజకీయాలపై ఆధారపడుతున్నది. అందులో 370 అధికరణ రద్దు ముందుగా వచ్చింది. అది ఉండి కశ్మీరు ప్రజలను రక్షించిందీ లేదు. అదిపోయి కశ్మీరు ప్రజలకు కొత్తగా వచ్చే నష్టమూ లేదు. అది తప్పా ఒప్పా అన్న చర్చ అనవసరం. అక్కడ అన్ని చట్టాలు అసంబద్ధం అయినప్పుడు ఫలా నా చట్టం ఉంది ఫలానా చట్టం పోయింది అన్న చర్చ ఎందుకు? కశ్మీరును ఉద్ధరించడానికే 370 అధికరణం ఎత్తివేశామని, రెండు కేంద్రపాలిత ప్రాంతాలుగా విభజించామని కేంద్రం చెబుతున్నది. అదే పని ఉత్తరప్రదేశ్‌లో ఎందుకు చేయరు? వినిమయ ఆధారిత మానవాభివృద్ధి సూచిలో ఉత్తరప్రదేశ్, మధ్యప్రదేశ్, ఛత్తీస్‌గఢ్‌ల కంటే కశ్మీరు ముందున్నది.


తెలంగాణపై ఇప్పుడు బీజేపీ నాయకత్వం చేస్తున్న దాడి వారి బరితెగింపును, అడ్డగోలుతనాన్ని తెలియజేస్తున్నది. నిన్నమొన్నటిదాకా తెలంగాణలో ప్రతి పథకాన్ని మెచ్చుకున్న కేంద్ర మంత్రులు, కేసీఆర్ ప్రవేశపెట్టిన పలు పథకాలను తూ.చ. తప్పకుండా కేంద్రం లో అమలుచేయడానికి ముందుకొచ్చిన బీజేపీ నాయకులు మొన్న టి ఎన్నికల తర్వాత నాలుక తిప్పేసి మాట్లాడుతున్నారు. రైతుబం ధు, రైతు బీమా, జల్‌జీవన్.. మీ పథకాలకన్నిటికీ స్ఫూర్తి ఎవరు లక్ష్మణ్నా! ఇది దాచేస్తే దాగని సత్యం. మీ మంత్రులు, కేంద్ర అధికారులు చేసిన ప్రకటనలన్నీ అచ్చులో ఉన్నాయి. వీడియోల్లో ఉన్నాయి. మీతో బాగుంటే మంచోళ్లా. మీకు దూరంగా ఉంటే శత్రువులా! గోదావరి నీళ్ల కోసం యాత్రలంటూ రాష్ట్రమంతా తిరిగిన రోజులు మరిచిపోయారా? ఇవ్వాళ అదే గోదావరిని తెలంగాణ బీళ్లకు మళ్లిస్తుంటే ప్రాజెక్టుల కాళ్లల్లో కట్టెలు పెడుతున్నారెందుకు? కళ్లల్లో నిప్పులు పోసుకుంటున్నారెందుకు? అవినీతి గురించి మీరు మాట్లాడుతున్నారా? బ్యాంకు రుణాల ఎగవేతదారులతో దాగుడుమూతలు ఆడుతున్నవారు, పారిశ్రామిక సామ్రాజ్యాలకు అన్ని రకాలా ఊడిగం చేస్తున్నవారు, యుద్ధ విమానాల కొనుగోలులో ఇష్టారాజ్యంగా వ్యవహరించినవారు, రాజకీయాల్లో అవినీతికి అధికార ముద్రలు వేసినవారు, ఎమ్మెల్యేలను, ఎంపీలను, కొన్ని రాష్ర్టా ల్లో ప్రభుత్వాలనే కొనిపారేసిన వారు అవినీతి గురించి మాట్లాడితే జనం నవ్విపోరా? ఈశాన్యంలో రాష్ర్టాలు ఎలా మీ చేతికి వచ్చా యి? ఇప్పుడు సిక్కింలో జరుగుతున్నదేమిటి? కర్ణాటకలో జరిగిందేమిటి? అక్కడి ముఖ్యమంత్రి, ఆయన మద్దతుదారులైన మైనింగ్ మాఫియా ఎంతటి పరిశుద్ధులో పక్కనే ఉన్న తెలంగాణ ప్రజలకు తెలియదా? మాది భిన్నమైన పార్టీ, పరిశుద్ధ రాజకీయాలకు అంకి తమని అలనాడు వాజపేయి చెప్పిన నీతులను ఏ గోతిలో పాతిపెట్టారు? కాంగ్రెస్ ఇన్నేండ్లు చేసిన రాజకీయ దాష్టీకాలకు, మీరు ఈ నాలుగైదేండ్లలో చేసిన దాష్టీకాలకు తేడా ఏమైనా ఉందా? గురివిందకు గుర్తులుగా మారి నిందలు వేయవద్దు.


ఇందిరాగాంధీ రాజభరణాలను రద్దుచేసి, బ్యాంకులను జాతీయీకరణ చేసినప్పుడు దేశమంతా అబ్బో అని అన్నారు. పాకిస్తాన్‌తో యుద్ధం గెలిచినప్పుడు, బంగ్లాదేశ్‌కు విముక్తి సాధించినప్పు డు ఆమెను ఆకాశానికెత్తారు. అదే ఇందిరాగాంధీ ఆ తర్వాత రాజ్యాంగ విలువలను పాతరేసి ఇష్టారాజ్యంగా రాజకీయ దౌష్ట్యాలకు పాల్పడ్డారు. ఆంధ్రప్రదేశ్ కూడా 1984లో ఆమె దౌష్ట్యాన్ని అనుభవించింది, మొక్కవోని ధైర్యంతో తిప్పికొట్టింది. ఇప్పుడు బీజేపీ చేస్తున్నదీ అదే. అప్పుడూ ఆమె మందబలం, ఏకపక్ష రాజకీయ బలమే చూసుకొని ఇష్టారీతిన వ్యవహరించారు. ఇప్పుడు బీజేపీ అదే ఏకపక్ష రాజకీయబలాన్ని చూసుకునే వ్యవహరిస్తున్న ది. బీజేపీ చేస్తున్నవన్నీ కాస్మెటిక్ రాజకీయాలు. 370 అధికరణాన్ని రద్దు చేయడం కేవలం రాజ్యాంగపరమైన పేపర్ వర్కు. అది ఉన్నా లేకపోయినా కశ్మీరును చక్కదిద్దడానికి కేంద్రానికి మునుపు లేని అధికారాలు లేవు. ఇప్పుడు కొత్తగా సంక్రమించిన అధికారాలు లేవు. కానీ 370 అధికరణాన్ని ఎత్తివేయడంతోనే దేశానికేదో మరోసారి స్వాతంత్య్రం వచ్చిందన్నంత ఉద్వేగాలను ఈతరంలో రేపెట్టడంలో బీజేపీ విజయవంతమైంది.

సైన్యం జీపుకు ఒక మనిషిని ముందుకట్టి అల్లరి మూకలతో యుద్ధం చేయడానికి మించిన అధికారం ఏముంటుంది? కశ్మీరులో ఐదేండ్ల దారుణ వైఫల్యాలను ఒక్క పేపర్ వర్కుతో తుడిచిపడేసింది. బీజేపీకి ఎక్కడ కలిసివచ్చిందంటే దేశంలో 60 శాతం మంది 40 ఏండ్లలోపు వారు. అంటే 1980ల తర్వాత జన్మించిన తరం. వారిలో చాలామందికి దేశ చరిత్రగానీ, ప్రపంచ చరిత్రగానీ తెలియదు. రాజకీయ భావజాలాలు, వాటి సంఘర్షణ గురించిన అనుభవం లేదు. అడుగడుగునా స్వాతంత్య్రోద్యమానికి వెన్నుపోటు పొడిచి, బ్రిటిషు వారి కనుసన్నల్లో బతికిన వారి గురించి తెలియదు. అంబేద్కర్ వాదాన్ని చేం బర్ ఆఫ్ హారర్స్ అని దాడిచేసిన వారి గురించి తెలియదు. స్వాతంత్య్రోద్యమంలో ఏ రోజూ పాల్గొనకపోగా, మతవాద దృష్టితో మహాత్మాగాంధీని హతమార్చిన వారి గురించి తెలియదు. మన రాజ్యాంగాన్ని తిరస్కరించి, మనుస్మృతిని రాజ్యాంగం చేయాలని వాదించిన వారి గురించి తెలియదు. జాతీయ జెండాను నిరాకరించి కాషాయ జెండానే జాతీయజెండా చేయాలని వాదించిన వారి గురించి తెలియదు. ఆరు దశాబ్దాల పాటు జెండాకు దండంపెట్టని వారి గురించి తెలియదు.


బీజేపీ ఆర్థికరంగంలో విఫలమై, ఆ కష్టనష్టాలను అందమైన తివాచీ కింద కప్పిపెట్టి, భావోద్వేగ రాజకీయాలపై ఆధారపడుతున్నది. అందులో 370 అధికరణ రద్దు ముందుగా వచ్చింది. అది ఉండి కశ్మీరు ప్రజలను రక్షించిందీ లేదు. అదిపోయి కశ్మీరు ప్రజలకు కొత్తగా వచ్చే నష్టమూ లేదు. అది తప్పా ఒప్పా అన్న చర్చ అనవసరం. అక్కడ అన్ని చట్టాలు అసంబద్ధం అయినప్పుడు ఫలా నా చట్టం ఉంది ఫలానా చట్టం పోయింది అన్న చర్చ ఎందుకు? కశ్మీరును ఉద్ధరించడానికే 370 అధికరణం ఎత్తివేశామని, రెండు కేంద్రపాలిత ప్రాంతాలుగా విభజించామని కేంద్రం చెబుతున్నది. అదే పని ఉత్తరప్రదేశ్‌లో ఎందుకు చేయరు? వినిమయ ఆధారిత మానవాభివృద్ధి సూచిలో ఉత్తరప్రదేశ్, మధ్యప్రదేశ్, ఛత్తీస్‌గఢ్‌ల కంటే కశ్మీరు ముందున్నది. అక్షరాస్యత, తలసరి ఆదాయం, మౌలి క వసతులు వంటి అంశాల్లో బీజేపీ రెండు దశాబ్దాలుగా పాలిస్తున్న మధ్యప్రదేశ్, ఛత్తీస్‌గఢ్ కంటే కశ్మీరు ముందున్నది.

ఉత్తరప్రదేశ్‌లో మొన్న లోక్‌సభ ఎన్నికలు ముగిసిననాటి నుంచి కరెంటు కోతలతో అక్కడి ప్రజలకు నరకం చూపిస్తున్నారు. మానవాభివృద్ధి సూచీలో రాజస్థాన్, గుజరాత్‌లు జాతీయ సగటుకంటే ఉత్తమంగా ఉన్నా కశ్మీరు తర్వాతే ఉన్నాయి. ఇవన్నీ అధికారిక లెక్కలే. మరి అక్కడ ఏమి ఉద్ధరించారని, ఇప్పుడు కశ్మీరులో ఉద్ధరిస్తారు? అభివృద్ధి ఎజెండా చేతగాకే బీజేపీ భావోద్వేగాలు రెచ్చగొట్టి పబ్బం గడుపుకోవాలని చూస్తున్నది. ఒక తరాన్ని తప్పుదారి పట్టించాలని చూస్తున్నది. దేశ రాజకీయ వ్యవస్థకు తాను చేస్తున్న మానని గాయాలను అందమైన నినాదాల కట్టుమాటున దాచిపెట్టాలని చూస్తున్నది. అయితే చరిత్ర చెప్పినట్టు బీజేపీయే శాశ్వతం కాదు. రాజకీయాలు గతిశీలమైనవి. కాబట్టే బీజేపీ తెలంగాణలో నాలుగు సీట్లు గెలిచిం ది. కాబట్టే రేపు మళ్లీ మార్పు అనివార్యం. ప్రజలు ఎప్పుడూ కళ్లు మూసుకొని ఉండరు. కొన్ని చరిత్ర నుంచి తెలుసుకుంటారు. కొన్ని అనుభవాల నుంచి నేర్చుకుంటారు. తమకు అవకాశం వచ్చినప్పు డు పాఠాలు చెబుతారు.
[email protected]

2666

KATTA SHEKAR REDDY

Published: Mon,September 16, 2019 01:05 PM

వచ్చేది మీరైతే సచ్చేది తెలంగాణ

ఎన్ని అభ్యంతరాలున్నా తెలంగాణకు కేసీఆరే కరెక్టు. ఆయన కాకుండా మరొకరు తెలంగాణకు ముఖ్యమంత్రి అయి ఉంటే ఇవ్వాళ చెలరేగుతున్న ఆంధ్రా ఆధా

Published: Sun,September 8, 2019 12:30 AM

కబ్జా రాజకీయాలు

రాజకీయాల కోసం, అధికారం కోసం అవసరమైతే నాయకులు దేశభక్తులుగా మారుతారని ఎక్కడో ఒక నానుడి చదివినట్టు గుర్తు. చాలా సందర్భాల్లో ఇది రుజ

Published: Sat,August 31, 2019 11:24 PM

ఓటికుండల చప్పుడు

ఓటికుండకు చప్పుడెక్కువ. అబద్ధానికి నోరు పెద్దది. తెలంగాణ ప్రభుత్వంపై ప్రతిపక్షాలు చేస్తున్న విమర్శలు ఓటికుండకు మించి విలువ చేయవు

Published: Sun,May 26, 2019 11:12 AM

ప్రజా తీర్పునకు వందనం

ప్రజల విజ్ఞత గొప్పది. ప్రజల తీర్పు ఉన్నతమైనది. ఆయా రాజకీయపక్షాలకు, వారి విధానాలకు ఆమోదాన్ని, అసమ్మతిని తెలిపే విశిష్ట సందర్భం ఎన

Published: Sun,May 19, 2019 01:18 AM

రెవెన్యూ నియంతృత్వం

రెవెన్యూ కథలు రాస్తే రామాయణమంత, చెబితే మహాభారతమంత. ఈ మూడువారాల్లో ఎన్ని బాధ లు, ఎన్ని గాథలు? పేదా, పెద్ద అన్న తేడా ఏమీలే దు. కడు

Published: Sat,May 4, 2019 11:42 PM

ఒక్క పొద్దు కావాలి

భస్మాసురుని కథ మళ్లీ అవసరమైంది. అప్పుడు ఒక్క డే భస్మాసురుడు. ఇప్పుడు అటువంటివి అనేకం. ఆయన అసలు పేరు బ్రహ్మాసురుడు. ఆయన శివభక్తుడ

Published: Sat,April 27, 2019 10:54 PM

పాములూ-నిచ్చెనలూ

అధికార యంత్రాంగం ఒక సమస్యను ఎంత తేలిగ్గా పరిష్కరించగలదో, అంత జటిలం చేయగలదు. రెవె న్యూ సమస్యలపై నమస్తే తెలంగాణ ప్రారంభించిన ధర్మగ

Published: Sun,April 21, 2019 06:25 AM

పాతకు పాతర కొత్తకు ఆహ్వానం

రెవెన్యూ, రిజిస్ట్రేషన్, పురపాలన, గ్రామపంచాయతీల మధ్య సమన్వయం లేకపోవడం వల్ల ఎన్ని అనర్థాలు జరుగుతున్నాయో అందరికీ తెలిసిన విషయమే.

Published: Sun,April 14, 2019 03:23 PM

గెలిచేదెవరు-ఓడేదెవరు

రెండు రాష్ర్టాల ఎన్నికలు ముగిసాయి. నేతల ముఖాల్లో ఆందోళన, మాటల్లో అల్లరిని చూసి ఓడిపోతున్నదెవరో కనిపెట్టవచ్చు. అదే నేత ల్లో వ్యక్

Published: Sun,April 7, 2019 08:31 AM

బాబు బాధితుడా! వంచకుడా!

ఓట్ల సమయం సమీపించే కొద్దీ చంద్రబాబునాయు డు విపరీత పోకడలు పోతున్నారు. ఐదేండ్లు అధికారంలో సర్వభోగాలూ అనుభవించిన చంద్రబా బు ఇప్పుడు

Published: Mon,April 1, 2019 11:38 AM

తిట్టు రాజకీయాలు

విచిత్రం ఏమంటే ఐదేండ్లు పరిపాలించిన ప్రధాని నరేంద్ర మోదీ, ఏపీ సీఎం నారా చంద్రబాబునాయుడు అందరూ ప్రత్యర్థులకు వ్యతిరేకంగా ప్రచా రం

Published: Mon,March 25, 2019 12:44 PM

ఒకరిది తిక్క.. ఒకరిది ఫ్రస్ట్రేషన్‌

దేశంలో ఈసారి రాజకీయ సమీకరణలు మారిపోతున్నాయి. ఏ ఒక్క పార్టీ లేక కూటమి అధికారంలోకి వచ్చే అవకాశం లేదు. ఎన్డీయేకు 220-40 స్థానాలు లభ