పరీక్షలు-ప్రమేయాలువి


Sun,January 18, 2015 01:30 AM

ద్యకు చెందిన అధ్యయన బోధనలన్నీ తుదకు పరీక్షల కోసమే. చదివినవాడు చదవవలసింది చదివినాడా లేదా, నేర్వవలసింది నేర్చినాడా లేదా అని తెలుసుకోవడానికే. అటు తదుపరి అవి పైచదువుల కోసం, ఉద్యోగాల కోసం ఎంతవరకు పనికొస్తాయని నిర్ణయించడం కోసమే. అలా నిర్ణయించేటివి మూడు వ్యవస్థలుంటాయి. ఒకటి చదువుకున్న విశ్వవిద్యాలయం; రెండు పైచదువుల కోసం ఎంపిక చేసే వ్యవస్థను నిర్వహించేది; మూడు, ఉద్యోగాలకు ఎంపిక చేసేది.

మొదటిది చదివిన చదువులు అర్థవంతంగా, సార్థవంతంగా చదివాడా, నేర్చా డా లేదా అని పరీక్షించి తగిన పట్టా అందజేయునది. రెండవది, చదివిన చదువు కోరుకున్న పై చదువులకు సరిపోతుందా లేదా అని నిర్ణయించేది; మూడవది, చదివినది కోరే ఉద్యోగాలకు సరిపోతుందా లేదాయని పరీక్షించేది. మొదటి దానికి ఎక్కువ జ్ఞానం, సమాచారం ప్రధానమైతే, రెండవ దానికి ఇంకాస్త అదనం. ఒకటి చాలా వరకు పాఠ్య పుస్తకాలకు చెందిందైతే, మరొకటి ఆధునిక సమాచార సముదాయానికి కూడ చెందింది.

మొదటిది ఎక్కువ ఇన్ఫర్మేషన్‌కు చెందిందైతే, రెండవది ట్రాన్స్‌ఫార్మేషన్‌కు చెందింది. మొదటిది ఎక్కువ విషయపరమైనదైతే అంటే సబ్జెక్ట్స్‌కు చెందిందైతే, రెండవది విద్య Overall ఆబ్జెక్టివ్స్‌కు, లక్ష్యాలకు చెందింది. ఒకటి కౌశల్యాలకు చెందిందైతే, రెండవది విలువలకు, చైతన్యానికి, వికాసానికి, సామాజిక దృష్టి దృక్పథానికి, శాస్త్ర సాంకేతిక దృష్టి దృక్పథానికి, experience, exposure, approach, attitude, sociological psychological disposition, తాత్త్విక దార్శనిక సామాజిక మానవీయ దృష్టి దృక్పథానికి చెందింది. స్థూలంగా బేసిక్ జ్ఞానం గురించిన, విషయ పరిజ్ఞానం గురించిన టెస్టింగ్ విశ్వవిద్యాలయాల పరిధిలోకి వస్తుంది. తదితర వాటికి చెందిన పరీక్షలు పై చదువులకు, ఉద్యోగాల కు చెందిన పరీక్షలు నిర్వహించే వారి పరిధిలోకి వస్తాయి. కాని ఆ పరిధులు మరీ గీత గీసినట్లుండవు.

ఎందుకంటే విషయాలకు చెందిన చదువులు ఆధునికంగా ఉండాలంటే వాటికి అనుబంధమైన, ఇతర విషయాలకు చెందిన ఎన్నో కొన్ని జ్ఞాన విజ్ఞానాలు అవసరమవుతాయి కనుక. పై చదువులకు చెందిన పరీక్షలు ఎక్కువ విషయపరమైనవి, ఉద్యోగాలకు చెందిన పరీక్షలు కాస్త సమగ్రమైనవి, general overall development కు చెందినవి కావడం మామూలే. అవి అలాంటివి కావాలి కూడ.

విషయపరమైన పరీక్షలు విశ్వవిద్యా లయాలు ఒకవిధంగా, తక్కినవి మరొక విధంగా నిర్వహిస్తే సమంజసంగా ఉండవు. వాటిలో సమన్వయం ఎంతైనా అవసరం. ఎంసెట్ నిర్వహించే వారు, టీఎస్‌పీఎస్సీ వారు విషయ పరమైన పరీక్షలు విశ్వవిద్యాలయాలు నిర్వహించే పరీక్షల్లాగే నిర్వహంచాలి, తక్కిన పరీక్షలు వారు రూపొందించుకున్న పరీక్షల ప్రణాళిక ప్రకారం. విశ్వవిద్యాలయాల మధ్య, ఇతర పరీక్షలు నిర్వహించేవారి మధ్య విషయపరమైన పాఠ్యప్రణాళికలు, వాటి ఆధునీకరణ గురించి సంప్రదింపులు జరగాలి. ఈ పని నిరంతరం చేస్తూనే ఉండాలి.

గ్రూప్ -1లో, ఇంగ్లీష్ లాంగ్వేజ్ టెస్ట్‌లో, ఇంటర్వూ ్యలో టీఎస్‌పీఎస్సీకి తగినంత స్వేచ్ఛ ఉండాలి. కానీ సబ్జెక్ట్స్‌లో సమన్వయం కోసం అది కేంద్ర స్థాయిలో యూజీసీ, ఏఐసీటీఈ,యూపీఎస్సీ లాంటి వాటితో, రాష్ట్రస్థాయిలో విశ్వవిద్యాలయాలతో, సమాలోచనలు జరిపి మార్పులు చేర్పులు చేయాలి. కానీ వారికి వారే మార్పులు చేర్పులు చేసి విద్యార్థులను, ఉద్యోగ అభ్యర్థులను ఎవరి సిలబస్ ఫాలో కావాలో తెలియని కన్‌ఫ్యూషన్ చేయగూడదు. ఇపుడు జరుగుతున్నది చాలావరకు పరీక్షలు నిర్వహించే వివిధ వ్యవస్థల మధ్య సమన్వయ లోపమే. అందువల్లనే పై చదువులకు చెందిన పరీక్షల్లో, ఉద్యోగాలకు చెందిన పరీక్షల్లో చాలామంది ఫెయిల్ అవుతున్నారు.

ఒకప్పుడు తెలంగాణలో ఒకే ఒక విశ్వవిద్యాలయం, (ఉస్మానియా యూనివర్సిటీ) ఉండేది. ఇపుడు విశ్వవిద్యాలయాలు, కళాశాలలు కోకొల్లలు. వీటికి మంచి వైస్-చాన్స్‌లర్లు, రిజిష్ర్టార్‌లు, ప్రొఫెసర్లు, రీడర్లు, లెక్చరర్లు కావాలి. వారు రాష్ట్రమంతటా, బైట కూడా మంచి మేధావులుగా, నీతి నిజాయితీపరులుగా, మంచి పరిశోధకులుగా, రచయితలుగా, పరిపాలనాదక్షులుగా పేరొందినవారు కావాలి. ఎందుకంటే, విద్యారంగం అన్ని రంగాలకు మేధావంతులను, గుణవంతులను ఇవ్వగలిగే రంగంగా అనాదిగా భావిస్తున్నది కనుక. మరి అలాంటి రంగంలోనే మేధావులు, నీతి నిజాయితీపరులు కరువైతే తక్కిన రంగాలకు మిగిలేది ఏకరువే. అలాంటి సంస్థలకు అత్యుత్తమ ఉద్యోగులను నిర్ణయించేవారు దేశమంతటా పేరున్నవారు కావాలి. వారు గొప్ప మేధావులుగా, నీతినిజాయితీ గలవారుగా సమాజంచే ఇంటా బైటా చెప్పుకోబడాలి.

వారు రాజకీయాలకు, కుల మత ప్రాంత సంకుచిత భావాలకు అతీతులు, విద్యార్థులకు, పరిశోధకులకు ఆదర్శప్రాయులు కావాలి. విద్యారంగంలో ఎన్నో విజయాలు సాధించినవారు కావాలి. ఇకముందు అలాంటి వారిని ఒక State level University Service Commission లాంటి దాని ద్వారా నియమిస్తే యూనివర్శిటీల పరువు ప్రతిష్ట పెరుగుతుంది, విద్య మెరుగుపుతుంది. నేడు విశ్వవిద్యాలయాల కళాశాలల పరువు ప్రతిష్ట చాలా దిగజారిపోయింది. దానికి సమర్థత లేని వారి నియామకాలు కారణమని, దానికి నియామకాలలో రాజకీయ ఒత్తిళ్లు, కుల ఒత్తిళ్లు, ప్రాంతీయ ఒత్తిళ్లు, అవినీతి కారణాలని సమాజంలో బహిరంగంగా చెప్పుకుంటున్నారు విద్యార్థులు, యువకులు, తదితరులు.

అలాంటివారు ఎలాంటి చదువులు చెప్పగలరు? అలాంటి విద్యారం గ పరిపాలకులు ఎలాంటి పరిపాలనలను అందించగలరు? విద్యార్థులకు వారు ఎలా ఆదరణీయులు కాగలరు? వారి మాటకు వారు చెప్పే చదువులకు విలువే ముంటుంది? వారికి సమాజంలో గౌరవమేముంటుంది?

ఒకప్పటి ఆంధ్రప్రదేశ్ రాష్ట్రంలో కాలేజ్ సర్వీస్ కమిషన్ అను ఉన్నత విద్యకు చెందిన ఉద్యోగుల నియామకాలకు చెందింది ఒకటి ఉండేది. కానీ దానికి దాని బరువు పెద్దది, పరువు చిన్నదైపోయింది. అందుకే అతి త్వరలోనే అది మూతపడింది. తిరిగి అలాంటి పనే చేయకూడదు. విశ్వవిద్యాలయాల్లో, కళాశాలల్లో స్థానిక రాజకీయ, ప్రాంతీయ, కుల గోత్ర ప్రమేయాలు, బంధు మిత్ర ప్రీతి, అవినీతి తగ్గాలంటే, విద్య బాగుపడాలంటే సత్వరం యూనివర్సిటీ సర్వీసెస్ కమిషన్ ను స్థాపించడం తప్ప మరో మార్గం లేదేమోనని అనిపిస్తుంది. అడ్మినిస్ట్రేటి వ్ సర్వీసెస్‌కు చెందిన రిక్రూట్‌మెంట్ వేరు, ఎడ్యుకేషనల్ సర్వీసెస్‌కు చెందిన రిక్రూట్‌మెంట్ వేరు. ఎందుకు వేరో అది అందరికీ తెలిసిందే. ఎంత కాదన్నా, అవునన్నా చదువు చదువే కదా! మరొకటి మరొకటే కదా! కనుక ఎడ్యుకేషనల్ రిక్రూట్‌మెంట్‌కు ప్రత్యేకంగా వేరే ఏజెన్సీ ఉండాలి.

టీఎస్‌పీఎస్సీ సరిపోదు.Alternative గా ఇపుడున్న State Council For Higher Education కు రిక్రూట్‌మెంట్ అధికారాలు కూడా ఇచ్చి దాని స్థాయిని పెంచవచ్చు. దానికి యూనివర్సిటీ అకమిక్ స్టాఫ్, కాలేజెస్ అకమిక్ స్టాఫ్ నియామకాలు, తబాదలాల బాధ్యత అప్పజెప్పవచ్చు. అపుడు విశ్వవిద్యాలయాలలో రాజకీయాలు, నియామకాల కోసం ఒత్తిళ్లు చాలా తగ్గుతాయి. అలా కాకపోతే విశ్వవిద్యాలయాల్లో, కళాశాలల్లో రాజకీయాలు, వ్యాపారాలెక్కువ చదువులు తక్కువే జరుగుతుంటా యి. స్థానికంగా రూట్స్ ఉన్నవారు పైరవీలు చేసుకొని ఎప్పటికీ ఉన్నచోటే ఉండలని కోరతారు. రాజకీయ తదితర ఒత్తిళ్లకు దిగుతారు.

ఉన్నత విద్యారంగంలో ఒకప్పుడు డైరెక్టరేట్ ఆఫ్ హయ్యర్ ఎడ్యుకేషన్ అనేది ఉండేది. ప్రభుత్వ రంగ కళాశాలల్లో పని చేసే వారి నియామకాలు, తబాదలాలతో సహా కళాశాలల స్థాపన, ఇన్స్‌పెక్షన్ మున్నగు పనులన్నీ అది చేసేది. ఆ రంగంలో పనిచేసే సీనియర్ మోస్ట్ పర్సన్‌ను ఆ డిపార్ట్‌మెంట్‌కు హెడ్‌గా నియమించే సత్సంప్రదాయం ఒకటి ఉండేది. దానికి బదులు కమిషనరేట్ ఆఫ్ హయ్యర్ ఎడ్యుకేషన్ అని పేరిడి మూడు రోజులకొక ఐ.ఏ.ఎస్. ఆఫీసర్‌ను నియమిస్తున్నారు. అతనికి అనుభవమూ ఉండదు, ఆ పోస్టింగ్‌కు స్థిరత్వమూ ఉండదు. అందువలన అది ఇపుడు ఒక పోస్టాఫీస్ లాగా తయారైపోయింది. దాని ఒకప్పటి డిగ్నిటీ అంతా కోల్పోయింది.

దాని ముందంతా, దాని లోపలంతా అంగడే. ఇదేనా ఉన్నత విద్యకు మనమిచ్చే గౌరవం? ఉన్నత విద్యకు చెందిన ఆఫీస్‌ను చెత్తకుండిలా తయారు చేయడమేనా? ఒకప్పటి ఉన్నతవిద్యకు చెందిన వ్యవస్థను, అలాగే కొనసాగించి ఆ డిపార్ట్‌మెంట్‌లో పనిచేసే అనుభవజ్ఞులైన సీనియర్ ఆఫీసర్‌నే డైరెక్టర్ ఆఫ్ హయ్యర్ ఎడ్యుకేషన్ గ నియమించం తిరిగి ప్రారంభిస్తే ఆ డిపార్ట్‌మెంట్ బాగుపడుతుంది.

ఉన్నత విద్యపై తక్కిన విద్యలు ఆధారపతాయి. అది తెర్లయితే తక్కినవి కూడ దాని దారే పడతాయి. తక్కిన వాటి కన్నిటికీ విశ్వవిద్యాలయాలే కదా ఉద్యోగులను సమకూరుస్తాయి. కనుక అలాంటి అత్యున్నత, అతి ఉత్తమమైనవని భావించబడేవిశ్వవిద్యాలయాల కులపతులను, తదితరులను సభ్యసమాజంబాగు బాగని ప్రశంసించునట్లు, సమర్థించునట్లు ప్రతిభ గల వారి నుండి, పరువు ప్రతిష్ట గల వారి నుంచి ఎంపిక చేయాలి.
కేసీఆర్ గారి హయాంలోనైనా విద్యకు పెద్దపీట వేస్తారని అందరూ కుతూహలంగా ఎదురుచూస్తున్నారు. వారు కూడా విద్యా సంస్కరణలవైపే మొగ్గుచూపుతున్నట్లు కనబడుతున్నది. సంస్కరణలు చిత్తశుద్ధితో చేబట్టటానికి వారికి ఇంతకన్నా మంచి సమయం మరొకటి దొరకదు.

విద్యారంగాన్ని చక్కదిద్దితే వారు అన్ని రంగాలను చక్కదిద్దిన వారవుతారు. ఈ సందర్భంగా డాక్టర్ చక్రపాణిగారిని టీఎస్‌పీఎస్సీ చైర్మన్‌గా నియమించడం, వారు ప్రొఫెసర్ జి.హరగోపాల్ గారి అధ్యక్షతన పరీక్షా సంస్కరణల కోసం ఎక్స్‌పర్ట్స్ కమిటీని వేయడం విద్యారంగ శ్రేయోభిలాషులందరూ శుభారంభంగా భావిస్తున్నారు. వారిరువురికీ, వారి ద్వారా తక్కిన సభ్యులందరికీ నా అభినందనలు, శుభాకాంక్షలు.

558

KONDAL RAO VELICHALA

Published: Fri,December 15, 2017 05:56 PM

పీవీ నోట తెలుగు భాష మాట

ప్రపంచ తెలుగు మహాసభల్లో సీఎం గారు వీటిగురించి కూడా ఒక ప్రకటన చేస్తే బాగుంటుందని తెలుగు భాషా పరిరక్షణ సమితి వైపున నేను ప్రత్యేకంగా

Published: Thu,November 30, 2017 11:39 PM

మహాసభలతో తెలుగు వెలుగులు

తెలుగు మహాసభలు నిర్వహించే సందర్భంలో నిర్వాహక పరిపాలక విషయాల్లో తెలంగాణ వారికే ప్రాధాన్యం, నిర్వహణ బాధ్యతలు అప్పగించాలి. అలాగే మహాస

Published: Sat,April 22, 2017 11:35 PM

తెలంగాణ జోన్ ఆఫ్ ఆర్క్!

మన ప్రాంతంలో నెలకొల్పబడే శిల్పం మన తెలంగాణ అస్తిత్వవాద ఉద్యమానికి, పోరాటానికి సింబల్‌గా ఉండాలి. అలాంటి శిల్పం జోన్ ఆఫ్ ఆర్క్ లాం

Published: Thu,February 2, 2017 01:22 AM

ఆంగ్లం వల్ల ఆలస్యం

అభివృద్ధిని మనం ఎప్పుడూ పదార్థ అభివృద్ధితో పోలుస్తాం. కానీ మానవీయ అభివృద్ధితో పోల్చం. మానవుడు మానవీయతా అభివృద్ధిలో ఎంత అభివృద్ధి

Published: Sat,November 5, 2016 01:24 AM

అనువాద శిక్షణతో భాషల పరిరక్షణ

ఈ సమావేశంలో ఎదురయ్యే ప్రధానమైన అంశం భాషా సమస్య. ఇక్కడ హాజరైన వారిలో అత్యధిక సంఖ్యాకులు మరాఠీ మాట్లాడేవారే. అందుకని మరాఠీలోనే మాట్ల

Published: Sun,September 18, 2016 12:55 AM

ఆలోచించి ముందడుగు వేద్దాం..!

అరాచకం, అన్యాయం, అధర్మం, బలాత్కారం, దోపిడీ, మానభంగం మున్నగువాటిని హిందువులు, ముస్లింలు అనే తేడా లేకుండా ఎవరు ఎవరిపై జరిపి నా నీచం,

Published: Sun,June 26, 2016 01:19 AM

జ్ఞానాత్మక, సృజనాత్మక విద్య కావాలె

విద్య ప్రధానంగా ఆలోచనను పెంపొందించాలి. తద్వారా భావాన్ని, జ్ఞానాన్ని, సృజనను పెంపొందించాలి. అభివృద్ధికి బాటలు వేయాలి.అభివృద్ధి ఎంత

Published: Fri,May 27, 2016 12:51 AM

అంచెలవారీగా ఆంగ్ల మాధ్యమం

భాషా భారాన్ని తగ్గించడానికి తెలుగు మీడియం సంస్థల్లో తెలుగును ఒక భాషగా బోధించవలసిన అవసరంలేదు. అలాగే ఇంగ్లీష్ మీడియం సంస్థల్లో ఇంగ్ల

Published: Wed,January 27, 2016 12:44 AM

వీసీలకు ఓర్పు, నేర్పు కావాలె

గత ఐదారు దశాబ్దాలుగా విద్యారంగంలో తెలంగాణ ఉద్యమంలో అందరూ పాల్గొనడం వల్ల విద్యార్థుల విద్య ఎంతో దెబ్బతిన్నది. వాటిని తిరిగి మంచి చే

Published: Sat,December 26, 2015 01:06 AM

కాంట్రాక్టు బోధన ఇంకెన్నాళ్లు?

ఉమ్మడి రాష్ట్రంలో యూనివర్సిటీలు భ్రష్టుపట్టాయి. తెలంగాణ ప్రభుత్వమైనా విద్యా ప్రమాణాల విషయాలను పరిగణనలోనికి తీసుకొని యూనివర్సిటీ వి

Published: Wed,December 16, 2015 01:41 AM

యూనివర్సిటీలను బాగుచేద్దామిలా..

గత ప్రభుత్వాలు వారికిష్టమైన వారికి Irregular అనుమతులు ఇప్పించుకోవడానికి వారే దిగజారిపోయి వారి అర్హతలను, అధికారాలను వారే తాకట్టు పె

Published: Sun,December 6, 2015 03:32 AM

విశ్వవిద్యాలయాలే నేటి దేవాలయాలు

విద్య గురించి మీరు పట్టించుకుంటే, మేము తప్పకుండా మీ గురించి పట్టించుకుంటాం. తెలుగు విశ్వవిద్యాలయానికి పెంపొందించిన గ్రాంటే దానికి

Published: Tue,December 30, 2014 01:06 AM

వాడుకభాషకు పరిమితులు

తెలంగాణ తెలుగు ఒకటుంది. అది దాని మాండలికాలకలె ఉంది, దాని సామెతల్లో వుంది, పండగలకు పబ్బాలకు చెందిన పదాల్లో ఉంది. దాని వ్యవసాయ వ్యవహ

Published: Sun,January 19, 2014 12:26 AM

సీమాంధ్ర పాలనలో పతనమైన విద్య

ఒకప్పటి హైదరాబాద్ రాష్ట్రంలోని తెలంగాణ ప్రాంతంలో చక్కగా రూపొందించి, పోషించిన విద్యా విధానం, విద్యా వ్యవస్థ ఉండేది. అది ఎందరో విద్య

Published: Wed,January 8, 2014 12:43 AM

సీమాంధ్ర నేతల వైఖరి రాజ్యాంగ విరుద్ధం

మన శాసనసభా సభ్యులు తెలంగాణ బిల్లును చించివేయ టం.. మన రాజ్యాంగం ప్రతిని చించివేయడం లాంటిది. బజా ర్లో ఎవరో చిల్లరమూకలు అలాంటి దేదైన

Published: Sat,October 6, 2012 04:16 PM

ఇపుడు తెలంగాణకు కట్టుబడిన వారికే ఓటు వేయండి

పదండి! కదం తొక్కండి! ‘ఎదుట సువిశాల మైదానముంది, వాంఛల తోట ఫలోన్ముఖమై మీవైపే చూస్తుంది’ మార్గ మధ్యంలో ఎన్ని నదులు, అడవులడ్డమైనా

Published: Sat,October 6, 2012 04:17 PM

‘బతకమ్మ గా మారిన ‘బతుకమ్మ

‘బతకమ్మ’ అంటే బతుకుదెరువును మెరుగుపరి చే అమ్మయని అర్థం. దేవీదేవతల్లో బతకమ్మను మనం లక్ష్మీదేవిగా, గౌరీదేవిగా, ఉభయంగా ఊహించుకోవ చ్చు

Published: Sat,October 6, 2012 04:15 PM

సీమాంధ్రుల విద్యా వ్యాపారం

తెలంగాణలోని నాటి ‘విద్య’ ఒక వ్యాసంగమే. కాని ఈనాటి లాగా ఒక వ్యాపార సంస్కృ తి మాత్రం కాదు. అలాంటి చక్కని తెలంగాణ విద్యా సంస్కృతి’న

Published: Sat,October 6, 2012 04:15 PM

సీమాంధ్ర దొరతనం-2

సీమాంధ్ర నేతలకు హైదరాబాద్‌ను వారెంత అభివృద్ధి చేశారో జ్ఞాపకమొస్తుంది. కాని హైదరాబాద్ కు వచ్చి వారు ఎంత అభివృద్ధి చెందారో ఎన్ని

Published: Tue,October 9, 2012 03:34 PM

సీమాంధ్ర దొరతనం-1

ఈ మధ్య శాసనసభ్యులకు, పార్లమెంటు సభ్యులకు మాత్రమే చట్టాల్లో ఏ మార్పులు చేయడానికైనా హక్కుంటుంది. కాని, బయటి వారికి అలాంటి హక్కు