ఒకే ఒక్క తెలంగాణ...


Sun,February 19, 2012 12:06 AM

నిజమే. మేం మందలాంటి వాళ్లం. సంతలాంటి వాళ్లం కూడా. నిజమే తెలంగాణే మాకు అతి పెద్ద సమస్య. జీవన్మరణ సమస్య. బలవన్మరణాలు మాట్లాడుతున్నప్పుడు. మేం పలవరిస్తుంటాం. కలవరిస్తుంటాం. మంటలంటుకున్న వాడి జై తెలంగాణ నినాదాన్ని ఆవాహన చేసుకుంటూ ఉంటాం. మనుషులం మేము. ఉత్తబోలు మనుషులం. ఒక కారణం కోసం ప్రాణాలు బలిపెట్టిన వాళ్ల మృత్యు రహస్యం తెలిసిన వాళ్లం. యాదిలో మనాదలో తెలంగాణ ను మాత్రమే నిలుపుకున్న మామూలు మనుషులం. సిరలు, ధమనుల గుండా త్యాగాలు ప్రవహించిన వాళ్ల కోసం. ఏడుస్తున్న వాళ్లం. వెక్కిళ్లుపడ్తున్న వాళ్లం. మాట మీద నిలబడి మరిచిపోని వాళ్లం. యాదయ్య గుర్తే. నేటికి రెండేళ్ల కిందట విశ్వవిద్యాలయం ఒక నెత్తుటి కల కంటున్నప్పుడు. బాష్పవాయువు గోళాల మోత తెలంగాణ నిండా వ్యాపించినప్పుడు. యాదయ్య యూనివర్సిటీ గేటు ముందర ప్రాణంతో దుంకులాడ్తూ, మంటల్లో మాడి చనిపోతున్నప్పుడు ‘జై తెలంగాణ’ అన్న నినాదం బహుశా ఆ మంటలు మా ఆత్మలను అంటుకొని ఉన్న వి. అవి ఆరేవి కావు. ఆ నినాదాలు మా మనసును ఎప్పుడో ముట్టుకున్నవి. అవి చెదిరేవి కావు. అవును మాకు ఇప్పటి సమస్య తెలంగాణ మాత్రమే.

వేణుగోపాల్‌డ్డి శవం ముందర నిలబడి ఉన్నరు అప్పుడు మీరు. మీసాలులేని శ్రీధర్‌బాబు కావొచ్చు. మీసాలు తిప్పిన దామోదర్‌డ్డి కావొచ్చు. కొన్ని కన్నీళ్లు కూడా కార్చారు. ఆ కన్నీటికి ఇప్పుడేమి ఆపాదించగలం. కల్మషంలేని కన్నీటి కోసం కదా! మా దేవులాట. ఇప్పుడు మీరు సోకులు పోతున్న అసెంబ్లీ సీట్లలో కూరుకుపోయారు. అసెంబ్లీ మారిపోయింది. దానికిప్పుడు ఏ ఉద్రిక్తతా లేదు. అసెంబ్లీ గేటిప్పుడు ప్రశాంతంగా ఉండవచ్చుగాక. కానీ ముట్టడిస్తామని చెప్పి గేటెక్కి దుమికిన వీర విద్యార్థులు ఇప్పుడింకా పచ్చి జ్ఞాపకమే. మీరు మాత్రం అసెంబ్లీ మెత్తటి పంచరంగు సీట్లలో కూరుకుపోయారు. వేణుగోపాల్‌డ్డికి హామీ పడిన మీరు అబద్ధాలలో కూరుకుపోయారు.

చనిపోయిన వాళ్ల ఆత్మలను అమ్ముకునే ఒక జాతి అమరవీరుల స్థూపం వద్ద, అసెంబ్లీ లోపలా ఒక్కటి గా తిరగడమే ఇప్పటి విషాదం. మీసాలు తీసేసిన బంట్లు, తెలంగాణ సోయి తప్పి అసెంబ్లీసుఖాల్లో సొమ్మసిల్లడమే ఇప్పటి విషాదం.
అవును మాకు తెలంగాణ తీర్మానం మాత్రమే కావాలి. మరో సమస్య మాకేదీ లేదు. మద్య నిషేధం ఎత్తివేసి, బెల్టుషాపులు బార్లాతెరిచిన వాడే మద్యం కుంభకోణం గురించి మాట్లాడుతూ ఉండవచ్చు. సీసాలో భూతాలను సృష్టించే భూతవైద్యులు మీరు. నల్లారి కిరణ్‌కుమార్‌డ్డి కోరుకునేది, నారా చంద్రబాబునాయు డు అడిగేది ఒకటే అవడమూ యాధృచ్ఛికం కాదు. వంతపాడేవాడు ఎవడైనా కావొచ్చు. సంతలాగానే ఉంటుంది తెలంగాణ. నిఖార్సయిన సత్యంలాగా.. గుట్టే మీ లేకుండా బహిరంగంగా.. తేటతెల్లంగ చీకట్లో షేక్‌హ్యాండ్‌లు ఇచ్చుకోవడం కాదిది. తెలంగాణ బహిరంగంగానే జట్టుకట్టి అడుగుతున్నది. ఇది గుర్రం.. ఇది మైదానం. రెండేళ్లుగా శాంతిగానూ, ప్రజాస్వామ్యంతోనూ పోరాడాం. ప్రజాస్వామ్యాన్ని నమ్మినం. పార్లమెంటునూ నమ్మినం. చనిపోయిన పిల్లల శవాల ముంద ర కాంగ్రెస్ ఎమ్మెల్యేలు, మంత్రులు చేసిన ప్రతిజ్ఞలను, పూనిన ఆనలనూ నమ్మి నం.

కనుక అడుగుతున్నం. మద్యము, గద్యము, కరువు, కాటకం, నీరు, నిప్పు, ఉద్యోగం, చివరికి మీ కవిలికట్టెల అంకెల బిందెల గారడీచేసే బడ్జెట్‌కన్నా మా ప్రాణ సమానమైంది తెలంగాణ. అంతకుమించి తెలంగాణకు మరే సమస్యా లేదు. రెండేళ్లే పోరాడలేదు. ఆరు దశాబ్దాలుగా కొట్లాడ్తున్నం. ఇస్తనన్నవాడు ఇవ్వ లే. తెస్తనన్న వాడు తేలేదు. మేం మోసంపోయినమా? ఎనిమిది వందల బలిదానాల తర్వాత రెండేళ్ల విరామంలేని పోరాటాల తర్వాత అలసిపోయినమా? లేదు తెలంగాణ అలసిపోదు. అడుగుతున్నం. ఈ పరి అసెంబ్లీ. యుద్ధ వేదిక. రంగస్థలం వీధుల నుంచి అసెంబ్లీకి మారింది. ఇస్తనన్నవాడు, తెస్తనన్నవాడు, వ్యతిరేకం కానివాడు, ప్రేమ ఉన్నవాడు, నటిస్తున్నవాడు, ఆత్మ ఉన్నవాడు, ఆత్మలోకంలో దివాళా తీసినవాడు. వాడెవడైనా కావొచ్చు. మరుగు మాటలు వద్దు. కప ట నాటకాలు వద్దు. బలవంతపు కన్నీళ్లూ వద్దు. బస్.. తెలంగాణ తీర్మానం చేయండి. ఎవటో తేలనివ్వండి.
తెలంగాణ శవాల మీద పేలాలు ఏరుకునే జాతి ఒకటి సిగ్గులేని జాతి ఒకటి ఇదే తెలంగాణలో తయారై ఉన్నది. అది బానిస జాతి.

అది తెలంగాణను అమ్ముకుని అసెంబ్లీ సీట్లలో కూరుకుపోయింది. కూచోరాదు. లేవరాదు. సుఖూన్. ఇక పీడ కలలు లేవు. పదవుల వేట. చీఫ్ విప్ ప్రవచిస్తున్నడు. డబ్బాలో రాళ్లు దొర్లుతున్నయి. ‘భళేగుందిరా మన అసెంబ్లీ’ అటోడు ఇటు కూసుండు. ఇటోడు అటు కూసుండు. వీసమెత్తు విలువలేని మనుషులు. మేనేజ్ చేశారు మీరు. రహస్యం గా, కుట్రగా.. ముందు మీడియాను. మీడియా మాకు ఎజెండాలిస్తున్నది. మద్యంపై పోరాడమని చెబుతున్నది. జగన్ అవినీతి భూతం కబళిస్తున్నదంటున్నది. చంద్రబాబు కేసు గెలిచి, తెరిచిన పుస్తకమైండని అబద్ధాలాడ్తున్నది. నిజమే కావొచ్చు. చంచల్‌గూడ క్రిక్కిరిసిపోయి ఉండవచ్చు. నిందితులందరూ మా హైదరాబాద్ మీద గద్దల్లా వాలిన వాళ్లూ కావొచ్చు. కానీ. ఇవన్నీ తర్వాత. భంగపడి ఉన్నవాళ్లంమేము.

ఒక రహస్య కుట్రకు బలయిన వాళ్లం. మా రెక్కల్ల బొక్కల్ల కల్సి తిరగాలని, మా ఆకాంక్షను అసెంబ్లీలో చెప్తారని, మా గాయాలను తడుముతారని పంపించిన మా వాళ్లనూ మేనేజ్ చేశారు మీరు. మా ఓట్ల మీద ఎన్నికైన మా వాళ్లు.. మాట పడిపోయిన మందబుద్ధుపూట్టా అయిండ్రో. తెలిసే సరికే ఎవరూ మిగలని వాళ్లుగా మేమూ మా పన్నెండు మంది ఎమ్మెల్యేలు తోడు ఐదుగురు సీపీఐ, ఇద్ద రు బీజేపీ. మీడియా రాయదు. మా వాడూ మాట్లాడడు. అసెంబ్లీ శీతలంగా ఉన్నది. ఒక్క తెలంగాణ మంట తప్ప. ఒక్క వెక్కిరించి, నిలదీసే మా తెలంగాణ మాకు గావాలె ప్లకార్డు తప్ప. మీ బతుకు సుఖూన్‌గ ఉన్నది. తెలంగాణ తీర్మానం అడిగిన పాపానికి తెలంగాణ తేల్చి మాట్లాడండి అని అడిగినందుకు, సమ్మె కట్టి నం, వీధులను ఎరుపెక్కించినం, గుట్టలు గుట్టలుగా బలిదానాల శవాలనూ పేర్చి నం. తీర్మానం చెయ్యండి ఏం చేస్తరో? అడిగినందుకు మా వాళ్లను మార్షల్స్‌తో గెంటించిన ముఖ్యమంత్రీ, మంత్రులారా, ప్రతిపక్ష నేతలారా! తెలంగాణ కాంగ్రె స్, తెలుగుదేశం ఎమ్మెల్యేలారా! ఏమనుకోవాలి ఈ సభను. బడ్జెట్‌లు చాలా ప్రవేశపెట్టారు.

ఈ బడ్జెట్ వికృత తోకల క్రింద, అవి సమీకృతమైన అధికారగణం పదఘట్టనల క్రింద, అది రూపొందించిన రాజ్యాంగ యంత్రం క్రింద, వీటన్నిటికీ ఎజెండాలు సెట్ చేసి తారుమారు విలువలను, తారుమారు సమస్యలను ఎజెండాగా చేసే మీడియా ముంగర మేము భంగపడ్డం. మేము కనిపెట్టగలం. వాస్తవాన్ని. అవును మాకు తెలంగాణ మాత్రమే కావాలె. మీకు తెలంగాణ తప్ప సవాలక్ష సమస్యలు కావాలి. యుద్ధరంగం ప్రస్ఫుటంగా, తేటతెల్లంగా, ప్రకాశం గా, ఉన్నదున్నట్టుగా కనబడ్తూనే ఉన్నది. మా బానిసలు, కనికట్టుకు మూర్ఛనలుపోయిన మా కాంగ్రెస్, తెలుగుదేశం ఎమ్మెల్యేలు, మంత్రులు, ఒక్కమాటా మాట్లాడని స్థితిలో ఎవరు తెలంగాణ కోసం నిలబడినవారు. ఎవరు తెలంగాణకు వ్యతిరేకంగా నిలబడినవారు. తేల్చుకోవడం సులభమైంది కదా! ఎవరి సభ ఇది.

క్రిక్కిరిసిపోయిన సభలో మూర్ఛిల్లి చదువుతున్న బడ్జెట్ ప్రసంగాల్లో ఎవరి గొంతు నొక్కారు. ఏ తీర్మానం గొంతు నొక్కి, కేకలుపెట్టిన ఏ ఏమ్మెల్యేలను బయటకు పంపించారో వారే మావారు. నాలుగున్నర కోట్ల తెలంగాణ ప్రజల ఆకాంక్షలను జెండామీద నిలిపినవాడే తెలంగాణ వాడు. మీరెన్నైనా మాట్లాడండి. అనేక పరీక్షలు. అమరవీరుల శవాలమీద ప్రతినబూనినవాడి కాఠిన్యం ఇవ్వాళ్ల తెలంగాణకు అవగతమైంది.
ప్రజాస్వామ్య దేశంలో భంగపడ్డవాళ్లం మేము. వీధుల్లోంచే మాట్లాడుతున్నం. మీ అసెంబ్లీ గేట్లెక్కిన వాళ్లం మాట్లాడ్తున్నం. యూనిర్సిటీలను భగ్గున మండించి న వాళ్లం మాట్లాడ్తున్నం. మీకు ఓట్లేసి పంపించిన వాళ్లం మాట్లాడ్తున్నం. మీ అసెంబ్లీ ఒరుగుడు కుర్సీల మీదకు మిమ్మల్ని పంపిన వాళ్లం మాట్లాడ్తున్నం. మాకు వేరే సమస్య వద్దేవద్దు. ఒకే ఒక సమస్య.

ఎవరు తెలంగాణ తీర్మానానికి పట్టుబట్టి అసెంబ్లీని దద్దరిల్ల జేస్తడో వాడే ఇప్పటి పచ్చి పక్కా తెలంగాణవాది. మరుగు మాటలు, ఆటుమాటలు, పోటీ మాటలు, కడుపు నిండిన బేరాలు, తెంగాణ పెదాలమీద మాట ఇంకెంత మాత్రం కాదు. అది కడుపులో గడ్డకట్టి, సుమ్మర్లు చుట్టుకున్న ఎనిమిదివందల మందిని పోగొట్టుకున్న తల్లుల గర్భశోకం. ఆ శోకం నుంచి ఆ దుఃఖంనుంచి, ఆ వారసత్వాల నుంచి మాట్లాడ్తున్నం. బాతాఖానీ క్లబ్బులుగా పేరుపడిన మీ చట్టసభల్లో అంకెలు, గారడీలు, ప్రవహించని ప్రాజెక్టుల ప్రణాళికలు, ప్రవహిస్తున్న సారా కంపు, గవులు కొడ్తున్న అవినీతి గబ్బు.. అవన్నీ మీరే ఏలుకోండి. మాకు ఇదే అసెంబ్లీలో రెండేళ్ల కిందట తీర్మానానికి మేం వ్యతిరేకం కాదని గప్పాలు కొట్టిన వాళ్ల సమాధానం కావాలి.

మోసం చేసి, అబద్ధాలాడి, ఇప్పుడు మా పన్నెండు మందినీ బయటకు తరిమి సుఖంగానూ, తెచ్చిపెట్టుకున్న గాంభీర్యంలోనూ, కాపట్యంలోనూ మీరు మా నాలుగున్నర కోట్ల మందిని ఏలడం ఇంకానా ఇంక అసాధ్యం. మాట్లాడ్తరా ఒకే మాట తెలంగాణ తీర్మానం. లేదా నోరు మూసుకోండి. దయచేసి ఇక మా ఓట్ల కోసం రాకండి. దయచేసి మా గురించి మాట్లాడకండి.

రెండేళ్ల మా ఆరాటాన్ని, పోరాటాన్ని, దుఃఖాన్ని ఆవేశాన్ని, ఆక్రోశాన్ని, మీ రంగులద్దిన మాటల్లో ఎట్లా మోసం చేశారో తెలుసుకున్నం కనుక.. మరోసారి మరోసారి ఇది గుర్రం.. ఇది మైదానం. మా శత్రువులకూ, మా ఓట్లతో వెళ్లి మమ్మల్నే మోసం చేస్తున్న మా వాళ్లే అయిన మా బానిసలకు ఒక విన్నపం. మీరిప్పుడు మీమీ అద్దాల సౌధాల్లో స్వప్నాలు కంటున్నరు. అవి భళ్లున పగిలే రోజొకటి ఎదురుచూస్తున్నది. అసెంబ్లీ పన్నెండు మందితో పట్టనప్పుడు, మార్షల్స్ తోసేయలేనంత బలగంతో నిండే రోజొకటి పొంచి ఉన్నది. తెలంగాణ తీర్మానంపై తేల్చుకోని వారికి, మాట్లాడని వారికి, శాశ్వత సమాధులు తయారవుతున్నవి. చిలుకలగుట్టకు జనం ఎదుక్కుతున్నరు. జనవనంలో తెలంగాణ గుండెల నిండా పొంగిననాడు మీ కలలు కల్లలై ఆరు స్థానాల రంగస్థలం ఉప్పొం గే దినం ఒకటి రాబోతున్నది. అవును నిజమే. తెలంగాణ మరొక కాల పరీక్షలో కదంతొక్కడానికి సన్నద్ధమవుతున్నది. అన్ని రకాల ద్రోహులకు సమాధి. తెలంగాణ శక్తులకు పునాది. నమస్తే తెలంగాణ.

-అల్లం నారాయణ

35

Allam Narayana

జర్నలిస్టులకు బంగారు తెలంగాణ

ఫిబ్రవరి, 17. ముఖ్యమంత్రి పాత క్యాంపు కార్యాలయం. అంతటా కోలాహలంగా ఉన్నది. ముఖ్యమంత్రి కేసీఆర్ పుట్టినరోజు. ఆయనను అభినందించడానికి వెల్లువెత్తిన ప్రజా సమూహాలు. కొత్త క్యాంపు కార్యాలయం ప్రగతి భవన్ దాకా క్యూ కట్టిన జనం. దాని ముందరే జనహిత. ఇవ్వాళ్ల అధికారి...

నీరూ.. నిప్పు.. కొంచెం జాగ్రత్త

ముందు వాళ్లు సెక్షన్ ఎనిమిది అన్నారు. గవర్నర్ గిరీతో స్వతంత్రతను దెబ్బతీయాలని కుట్ర పన్నారు. తెలంగాణ సమాజం తిప్పికొట్టింది. తోక ముడిచారు. స్వీయ రాజకీయ అస్తిత్వ ఫలితమది. మన తెలంగాణ మన పాలన ఫలితం అది. ఆ తర్వా త టీ న్యూస్‌లోకి చొచ్చుకువచ్చే కుట్ర చేశారు...

బలుపు పనికిరాదు..జర జాగ్రత్త

కుక్కతోకలు వంకరే. ఆ వంకర తనాలు ఇట్లాగే ఉంటే, మీమీ అహంకారాలు మా స్వాభిమానాలను, అభిజాత్యాలను అగౌరవపరిస్తే, అవమానపరిస్తే చరిత్ర పెంటకుప్పల మీద విసిరేస్తాం. మీ రాజకీయ అధిగణాన్ని విసిరేసినట్టుగానే మిమ్మల...

ఆ పదకొండు రోజులు..

పుస్తకం చదువుతున్నంత సేపూ అప్పుడప్పుడు గుండె తడిదేరుతున్నది. లోపల జల ఊరుతున్నది. కళ్లలోకి ఏవో ధారలు ఉబికి వస్తున్నాయి. పుస్తకాన్ని మమేకమై చదివినప్పుడు, పుస్తకంలో విషయాలన్నింటితో ఐడెంటిఫై అవుతున్నప్పుడు కలిగేవన్నీ లోప ల కలుగుతున్నాయి. పూర్తిగా పంచుకున...

వలస విముక్త తెలంగాణ

ఆంధ్ర ఉద్యోగులు ఆంధ్రలో, తెలంగాణ ఉద్యోగులు తెలంగాణలో... బస్.... అంతే. కేసీఆర్ నాయకత్వం తొలి విజయంగా, వలస అవశేషాలపై తొలియుద్ధంగా ఇది మొదలుకావడం ఉద్యమం ఇంకా ముగియలేదని వలస విముక్త తెలంగాణ నిర్మాణం కోసం కొనసాగవలసి ఉన్నదని అర్థం చేయించింది. అయితే ...

ఉద్యమమూ...రాజకీయమూ..

గాడిదలకు గడ్డి వేసి, ఆవులకు పాలు పిండుడు అన్న సూక్తిని కేసీఆర్ పదేపదే ప్రతిభావంతంగా ఓటర్ల మనసుల్లోకి చొప్పించారు. తెలంగాణ ఉద్యమకారులకు ఒక ప్రశ్న ఉన్నది. ఈ సంస్కతిలోంచి వికసించిన ఎమ్మెల్యేలకు ఓటేస్తే ఆదర్శవంతంగా ప్రకటించుకున్న పునర్నిర్మాణం సా...

ఒక్క శేఖర్... రెండు క్యాన్సర్లు

క్యాన్సర్ లొంగదీస్తున్న సమయాల్లోనే శేఖర్ అంతకుమించిన క్యాస్ట్ క్యాన్సర్‌ను కనిపెట్టి బజారుకీడ్చి, రచ్చచేసి, కిండల్ చేసి, అంతరాల దొంతరలను అవహేళన చేసి వెక్కిరించి నిటారుగా కుంచె మీద నిలబడి ధన్యుడయ్యాడు. శేఖర్ చెయ్యి పువ్వు వలె సుత...

తెలంగాణకు ప్రమాదకరం

రాహుల్‌గాంధీ అతి సునాయాసంగా, ఆయాచితంగా హైదరాబాద్ బ్రాండ్‌వాచీ గురించి ప్రస్తావించారు. కానీ ఆయనకు తెలియ దు. కేంద్రంలో పీవీలు, మన్‌మెహన్‌లు తెచ్చిన ఆర్థిక సంస్కరణలు, రాష్ట్రంలో చంద్రబాబు సంస్కరణల మొనగాడుగా, సీఈవోగా అనుసరించిన విధానాలు ఎన్నడో ప్రతిష...

మనమూ-వారూ...విభజన రేఖ

మనమూ-వారు అనేది అస్తిత్వంలో ప్రధాన విభజన రేఖ.తెలంగాణ బిల్లు పార్లమెంటులో ఆమోదం పొందిన తర్వాత వెం టనే ఎన్నికలు వచ్చిపడ్డందున అన్య విషయా లు ఎజెండాలోకి వచ్చి చేరాయి కానీ ఒక అస్తిత్వఉద్యమం విజయవంతమయిన తర్వా త ఆ అస్తిత్వాన్ని నిలబెట్టుకొని, కంటికి రెప్ప ల...

ఇప్పుడిక నరేందరూ లేడు....

బన్సీలాల్‌పేట ఎలక్ట్రిక్ క్రిమటోరియానికి కేఎన్ చారి పార్థివదేహాన్ని అప్పగించి వరండాలోకి వస్తున్నప్పుడు దుక్కం పొంగింది. అప్పుడు మేం ముగ్గురం. ఘంటా చక్రపాణి, రేవెల్లి నరేందర్, నేను. ఇవ్వాళ్ల పాత ఆంధ్రజ్యోతి నుంచి ఆ మూల బంజారాహిల్స్ తురగా జానకీరాణి గార...

మనసంత మానేరు....

మనసంత మానేరు మాటకోనేరు అనే మాట రాసిన మనిషి ఎంత సున్నితమైన వాడై ఉంటాడు. చెరబండరాజు మీద స్మతి గీతం ఇది. ఈ పాట రాసింది అల్లం వీరయ్య. మా నడిపన్న. ఇప్పటికే మీకు అర్థమయి ఉంటుంది. ఇది నేను వ్యక్తిగతంగా రాసుకుంటున్న మా అన్న గురించిన కొన్ని ముచ్చట్లు. మీకు ఏ ...

ఉద్యమమూ.. ఐచ్ఛికత.. విలువ

ఉద్యమ సంస్థలకు ఇంకా చాలా పని మిగిలే ఉంది. ప్రెషర్ గ్రూప్స్‌కు ఇంకా చాలా పని ఉంది. రాజకీయాలు కమ్మేస్తున్న వేళ తెలంగాణ విముక్తం కావాలని ఉన్నది. జాగరూకత, అప్రమత్తత, తెలంగాణ వచ్చినాక ప్రయోజనాలు, ఫలాలు ప్రజలకు అందాల్సిన పోరాటం మిగిలే ఉన్నది. ఐచ్ఛి...

దూరాలు లేవు.. ద్వారాలు లేవు..

కొత్త దూరాలూ... కొత్త ద్వారాలూ మన మధ్య లేవు నారాయణా... -ఇష్టంతో ఉమామహేశ్వరరావు తెలంగాణ బిల్లు రాజ్యసభలోనూ ముద్ర వేయించుకుని వచ్చిన రెండు రోజులకు మా తిరుపతి ఉమా నుంచి నాకు అందిన తొలికథల పుస్తకం మీద ఇష్టంగా రాసిన ఈ మాటలను చాలాసార్లు గుణ్‌గునాయించుకు...

తెలంగాణ ఒక వెలుగుచుక్క...

అమరుల ఆత్మలు నిక్షిప్తమై ఉన్న ఈ గన్‌పార్క్ స్తూపం ముందు మోకరిల్లినప్పుడు జలజలా రాలిపడ్డ దుక్కం. మిత్రులారా! బెంగటిల్లినట్టు... వేల మందిలోనూ లేని వెయ్యిన్నొక్కమంది యాది. గుండెలు పట్టనంత గెలుపు సంబురం. ద్వైదీభావంలో తన్నుకులాడుతున్న మనుసు. ఈ గన్‌పార్క్ ...

జంపన్న వారసత్వం...

జంపన్నా వాగుల్ల అబ్బియా! జాలారి బండల్ల అబ్బియా! నాది దయ్యాల మడుగే అబ్బియా! దండొక్కపొద్దే అబ్బియా జంపన్న వాగుల నీటిని నెత్తిన చల్లుకోవ డం భక్తా? చరిత్ర నుంచి వచ్చిన పూనక మా? నిజమే చరిత్ర నుంచి వారసత్వంగా పరక్షికమాలు, ధీరత్వాలు, సాహసాలు, పోరాటాలు ప...

నయా డాన్ క్విక్సాట్‌ల కథ

అసెంబ్లీ ముంగట అంబేద్కర్ విగ్రహం మాట్లాడలేదు. గాంధీ విగ్రహం కూడా. మాట్లాడి ఉంటే గాంధీ విగ్రహం ముందుగా అసెంబ్లీలో తనకు నివాళులు అర్పించి మరీ దౌర్జన్యంగా కూడబలుక్కుని ఒక తీర్మానాన్ని గబగబా చదివి, యస్‌ఆర్ నో అని మూజువాణి ఓటుతో అధికార తీర్మానం ఆమోదించిన...

మా రాష్ట్రంలో మాదే రాజ్యం..

తెలంగాణ ఒక ధిక్కార భూమి. దాని ఆత్మలో ఇంకిన స్వాభిమాన ప్రకటనే తెలంగాణ. పునరుజ్జీవన ఆకాంక్షల గొంతుకే తెలంగాణ. ఇట్లా అర్థం చేసుకుంటే తప్ప ఆంధ్ర-తెలంగాణ ఎందుకు విలీనమయి విఫలమయిందో? ఎందుకు విడిపోయి తెలుగువారిగా కలిసి ఉండాలో, తెలుస్తుంది. అందుకే పునర్నిర్...

ఆగుతుందంటే... మీ ఖర్మ..

తెలంగాణ వచ్చినట్టే ఉన్నది. వాళ్లకైతే ఎప్పటికీ రానట్టూ ఉన్నది. ఇప్పటికీ ఒక పత్రిక, రెండు ఛానళ్లు తప్ప.. తెలంగాణ వస్తున్నట్టు కానీ, ఇక్కడి ప్రజలు సంబురాలు జరుపుకుంటున్నట్టు కానీ అటులేదు. ఇటు లేదు. గందరగోళం తగ్గలేదు. నాలుగేళ్ల సంది ఇదే ద్వైదీమానం. లోలక...

వసంతగీతం ముందుచూపు

వసంతం విడిగా రాదు, మండే ఎండల్ని వెంట తెస్తుంది. ‘విప్లవానికి బాట’, జగిత్యాల జైత్రయాత్ర నేపథ్యంలో ‘కొలిమంటుకున్నది’ నవల వెలువడితే, ఇంద్ర మారణకాండ నేపథ్యంలో ‘కొమురంభీము’ నవల వెలువడింది. ఇంద్ర మారణకాండ (ఏవూపిల్ 1981)నాటికే సిపిఐ (ఎంఎల్) పీపుల్స్‌వార్ ...

యాది..మనాది...

కట్టె సరుసుకపోయి పడి ఉన్నడు భూమయ్య సార్! కాలం లాగే. ఘనీభవించినట్టు.. నాలుగు దశాబ్దాల యాదులు. మనాదులు. కాచాపూర్. వడ్కాపూర్. పెద్దపల్లి నుంచి ఎడంగా ఎంత దూరమైనా వెళ్లవచ్చు. అప్పుడది విప్లవాలు పాడి న కాలం. పల్లెలు పాల్తెం, కనగర్తులై కుక్కలగూడూరు, బసంత్‌న...