సోమవారం 26 అక్టోబర్ 2020
Cinema - Aug 27, 2020 , 18:24:15

వ‌ర్షంతో షూటింగ్‌ ఆపాం..వ‌దంతులు న‌మ్మొద్దు

వ‌ర్షంతో షూటింగ్‌ ఆపాం..వ‌దంతులు న‌మ్మొద్దు

అల్ల‌రి న‌రేష్ హీరోగా ఎస్‌వీ 2 ఎంట‌ర్‌టైన్‌మెంట్ బ్యాన‌ర్‌పై స‌తీష్ వేగేశ్న నిర్మిస్తోన్న చిత్రం 'నాంది'. విజ‌య్ క‌న‌క‌మేడ‌ల ఈ సినిమాతో ద‌ర్శ‌కుడిగా ప‌రిచ‌య‌మ‌వుతున్నారు. అల్లరి న‌రేశ్ అండ‌ర్ ట్ర‌య‌ల్ ఖైదీగా న‌టిస్తోన్న‌ చిత్రానికి సంబంధించి లాక్‌డౌన్ విధించ‌క ముందే 80 శాతం షూటింగ్ పూర్త‌యింది. ఇటీవ‌ల హైద‌రాబాద్‌లోని అల్యూమినియం ఫ్యాక్టరీలో 3 రోజుల పాటు షూటింగ్ జ‌రిపారు. బుధ‌వారం వ‌ర్షం రావ‌డంతో చిత్రీక‌ర‌ణ నిలిపివేశారు. 

అయితే చిత్ర‌ యూనిట్ స‌భ్యుల‌కు క‌‌రోనా పాజిటివ్ గా నిర్ధార‌ణ కావ‌డంతో షూటింగ్ నిలిపేశారంటూ ఆన్‌లైన్‌లో కొంత‌మంది ప్ర‌చారం చేశారు. ఈ వార్త‌ల‌ను చిత్ర బృందం ఖండించింది. ద‌య‌చేసి అలాంటి వ‌దంతుల‌ను ప్ర‌చారం చేయ‌వ‌ద్ద‌నీ, వాటిని న‌మ్మ‌వ‌ద్ద‌నీ కోరింది. వ‌ర్షం వ‌ల్లే చిత్రీక‌ర‌ణను ఆపాం త‌ప్ప, వేరే కార‌ణంతో కాద‌ని స్ప‌ష్టం చేసింది. అల్ల‌రి న‌రేష్ న‌టిస్తోన్న 57వ చిత్రం నాంది. ఇప్ప‌టివ‌ర‌కూ ఎక్కువ శాతం సినిమాల్లో ప్రేక్ష‌కుల‌కు న‌వ్వులు పంచిన న‌రేశ్ ఈ మూవీలో పూర్తి భిన్న‌మైన, ఉద్వేగ‌భ‌రిత‌మైన పాత్ర‌ను చేస్తున్న‌ట్టు ‌ఇటీవ‌ల విడుద‌ల చేసిన‌ టీజ‌ర్‌తో అర్థ‌మ‌వుతోంది. ఈ టీజ‌ర్‌కు అనూహ్య‌మైన స్పంద‌న వ‌చ్చింది. న‌టుడిగా అల్ల‌రి న‌రేష్‌లోని మ‌రో కోణాన్ని ఈ సినిమాలో మ‌నం చూడ‌బోతున్నాం. వ‌ర‌లక్ష్మీ శ‌ర‌త్‌కుమార్ లాయ‌ర్‌గా, హ‌రీష్ ఉత్త‌మ‌న్ పోలీస్ ఇన్‌స్పెక్ట‌ర్‌గా న‌టిస్తున్నారు.

తారాగ‌ణం:

అల్ల‌రి న‌రేష్‌, వ‌ర‌ల‌క్ష్మీ శ‌ర‌త్‌కుమార్‌, న‌వ‌మి, హ‌రీష్ ఉత్త‌మ‌న్‌, ప్ర‌వీణ్‌, ప్రియ‌ద‌ర్శి, దేవీప్ర‌సాద్‌, విన‌య్ వ‌ర్మ‌, సి.ఎల్‌. న‌ర‌సింహారావు, శ్రీ‌కాంత్ అయ్యంగార్‌, ర‌మేష్‌రెడ్డి, చ‌క్ర‌పాణి, రాజ్య‌ల‌క్ష్మి, మ‌ణిచంద‌న‌, ప్ర‌మోదిని.

సాంకేతిక వ‌ర్గం:

క‌థ‌:  తూమ్ వెంక‌ట్‌

డైలాగ్స్‌: అబ్బూరి ర‌వి

సాహిత్యం:  చైత‌న్య ప్ర‌సాద్‌, శ్రీ‌మ‌ణి

సంగీతం:  శ్రీ‌చ‌ర‌ణ్ పాకాల‌

సినిమాటోగ్ర‌ఫీ:  సిద్‌

ఎడిటింగ్‌:  చోటా కె. ప్ర‌సాద్‌

ఆర్ట్‌: బ‌్ర‌హ్మ క‌డ‌లి

ఫైట్స్‌:  వెంక‌ట్‌

పీఆర్వో:  వంశీ-శేఖ‌ర్‌

లైన్ ప్రొడ్యూస‌ర్‌:  రాజేష్ దండా

నిర్మాత‌: స‌తీష్ వేగేశ్న‌

స్క్రీన్‌ప్లే, ద‌ర్శ‌క‌త్వం:  విజ‌య్ క‌న‌క‌మేడ‌ల‌.










లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.


logo