‘భవిష్యత్తును గురించి ఎక్కువగా కలలు కనను. వర్తమానంలోనే జీవిస్తా. ప్రస్తుతం ఏం చేస్తున్నామన్నదే నాకు ముఖ్యం’ అని అంటోంది కావ్యథాపర్. ఆమె కథానాయికగా నటించిన ‘ఏక్ మినీ కథ’ చిత్రం ఇటీవల ప్రేక్షకుల ముందుకొచ్చింది. ఈ సందర్భంగా కావ్య థాపర్ మాట్లాడుతూ ‘సినిమాతో పాటు నా పాత్రకు చక్కటి స్పందన లభిస్తోంది. బోల్డ్ పాయింట్తో దర్శకుడు కార్తిక్ చెప్పిన కథ విని తొలుత భయపడ్డా. కథతో పాటు పాత్రలను తీర్చిదిద్దిన విధానం ఆసక్తికరంగా అనిపించడంతో ఈ సినిమాను అంగీకరించాను. సెక్స్ ఎడ్యుకేషన్ విషయంలో చాలా మందిలో అపోహలు ఉన్నాయి. తమ సమస్యల్ని ఎవరికీ చెప్పుకోలేక ఆత్మన్యూనత భావంతో బాధపడే వారిలో అవగాహన కల్పించేలా ఆలోచనాత్మకంగా సినిమాను తెరకెక్కించారు. భౌతికదూరం పాటిస్తూ.. మాస్క్లు, శానిటైజేషన్ లాంటి జాగ్రత్తలు తీసుకుంటూ షూటింగ్లో పాల్గొనడం చాలెంజింగ్గా అనిపించింది. తెలుగుచిత్రసీమలో క్రమశిక్షణకు ప్రాధాన్యతనిస్తారు. ప్రణాళిక ప్రకారం షూటింగ్లు జరుగుతాయి. హిందీలో సమయపాలనను పట్టించుకోరు. పాత్రల పరంగా నాకు ఎలాంటి పరిమితులు లేవు. కొత్తదనం ఉందనిపిస్తే ఏ క్యారెక్టర్ అయినా చేస్తా. ప్రస్తుతం హిందీలో రాజ్, డీకే దర్శకత్వంలో రూపొందుతున్న వెబ్సిరీస్లో నటిస్తున్నా’ అని తెలిపింది.