టైం ఫిక్స్ చేసిన సురేంద‌ర్ రెడ్డి..!

టాలీవుడ్ డైరెక్ట‌ర్ సురేంద‌ర్ రెడ్డి యువ న‌టుడు అక్కినేని అఖిల్ తో సినిమాకు గ్రీన్ సిగ్న‌ల్ ఇచ్చిన సంగ‌తి తెలిసిందే. స్టైలిష్ యాక్ష‌న్ ఎంట‌ర్ టైన‌ర్ గా రానున్న ఈ ప్రాజెక్టును ఇటీవ‌లే అధికారికంగా ప్ర‌క‌టించారు. తాజాగా ఈ మూవీకి సంబంధించిన అప్ డేట్ ఫిలింన‌గ‌ర్ లో చ‌క్క‌ర్లు కొడుతోంది. 2021 జ‌న‌వ‌రి చివ‌ర‌లో ఈ చిత్రం సెట్స్ పైకి తీసుకెళ్లేందుకు ప్లాన్ చేస్తున్న‌ట్టు టాక్ వినిపిస్తోంది. స్టార్ హీరోల‌తో క‌లిసి న‌టిస్తూ స్పీడుమీదున్న క‌న్న‌డ సోయం ర‌ష్మిక మంద‌న్నాను హీరోయిన్ గా అనుకుంటున్న‌ట్టు తెలుస్తోంది.

14 రీల్స్ ప్ల‌స్ బ్యాన‌ర్ పై అనిల్ సుంక‌ర ఈ సినిమాను తెర‌కెక్కిస్తున్నారు. అఖిల్-పూజాహెగ్డే కాంబోలో వ‌స్తున్న మోస్ట్ ఎలిజిబుల్ బ్యాచిల‌ర్ సంక్రాంతి కానుక‌గా థియేట‌ర్ల‌లో సంద‌డి చేయ‌నుంది. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.