శనివారం 16 జనవరి 2021
Cinema - Nov 25, 2020 , 20:34:29

పవన్ కోసం శృతిహాసన్ వ‌చ్చేస్తుంద‌ట‌..!

పవన్ కోసం శృతిహాసన్  వ‌చ్చేస్తుంద‌ట‌..!

తెలుగు ఇండస్ట్రీలో రెండు భారీ సినిమాలతో శృతి హాసన్ రీ ఎంట్రీ ఇస్తుంది. మూడేళ్ల కింద పవన్ కళ్యాణ్ నటించిన `కాటమరాయుడు` తర్వాత మరో సినిమాలో నటించలేదు ఈ ముద్దుగుమ్మ. అప్పట్నుంచి తెలుగులో ఒక్క సినిమా కూడా చేయలేదు ఈ భామ. దాదాపు మూడు సంవత్సరాల తర్వాత ఒకేసారి రెండు సినిమాలతో వస్తుంది ఈ బ్యూటీ. ఆ రెండు సినిమాలు కూడా స్టార్ హీరోలతోనే కావడంతో అమ్మడికి రీ ఎంట్రీపై బాగానే నమ్మకాలున్నాయి. ముఖ్యంగా పవన్ కళ్యాణ్ పింక్ రీమేక్ వకీల్ సాబ్ సినిమాలోనూ నటిస్తుంది శృతి. 

ఇప్పటికే ఈ జోడీ గబ్బర్ సింగ్, కాటమరాయుడు సినిమాల్లో కలిసి నటించారు. అందులో గబ్బర్ సింగ్ రేంజ్ ఏంటి అనేది ప్రత్యేకంగా చెప్పనక్కర్లేదు. కానీ కాటమరాయుడు మాత్రం అంచనాలు అందుకోలేదు. డిజాస్టర్ అయిపోయింది ఈ సినిమా. ఇప్పుడు మరోసారి వకీల్ సాబ్ కోసం జోడీ కట్టబోతున్నారు ఈ ఇద్దరూ. ఇప్పటికే చాలా వరకు వకీల్ సాబ్ షూటింగ్ పూర్తైపోయింది. పవన్ కూడా జాయిన్ అయ్యాడు. త్వరలోనే శృతి కూడా వచ్చేస్తానని అనౌన్స్ చేసింది. 

పవన్ తో మూడుసార్లు నటించడం చాలా బాగా అనిపిస్తుందని చెప్పుకొచ్చింది ఈమె. ఆ సినిమాతో పాటు రవితేజ క్రాక్ లోనూ ఈమె హీరోయిన్. ఈ చిత్ర షూటింగ్ లో కూడా త్వరలో పాల్గొంటానని చెప్తుంది శృతి హాసన్. ఈ రెండు సినిమాలతో మళ్లీ తెలుగులో బిజీ అవుతానని ధీమాగా చెప్తుంది ఈ బ్యూటీ. జనవరి నుంచి వకీల్ సాబ్ కోసం వస్తానంటుంది ఈమె. దాంతో పాటు క్రాక్ డిసెంబర్ లోనే పూర్తి చేయనుంది.


లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.