మ‌రిది కోసం సినిమా సెట్ చేసిన స‌మంత‌..!

టాలీవుడ్ న‌టుడు అక్కినేని అఖిల్ కు ఇప్ప‌టివ‌ర‌కు స‌రైన హిట్ ప‌డ‌లేద‌ని ప్ర‌త్యేకంగా చెప్ప‌న‌వ‌సరం లేదు. ప్ర‌స్తుతం త‌న ఆశ‌ల‌న్నీ మోస్ట్ ఎలిజిబుల్ బ్యాచిల‌ర్ చిత్రంపైనే పెట్టుకున్నాడీ ఈ యంగ్ హీరో. బొమ్మ‌రిల్లు భాస్క‌ర్ ద‌ర్శ‌క‌త్వంలో వ‌స్తున్న ఈ చిత్రంలో పూజాహెగ్డే హీరోయిన్. అఖిల్ కోసం అత‌ని వ‌దిన టాలీవుడ్ న‌టి స‌మంత ఓ క్రేజీ ప్రాజెక్టును సెట్ చేసి పెట్టింద‌ట‌. స‌మంతతో క‌లిసి ది ఫ్యామిలీ మ్యాన్ వెబ్‌సిరీస్ చేసిన‌ రాజ్ నిడిమోరు, కృష్ణ డీకే సంయుక్తంగా ఈ చిత్రాన్ని చేయ‌నున్నారు.

అంతేకాదు ఈ ప్రాజెక్టులో స‌మంత ఓ కీల‌క పాత్ర‌లో కూడా న‌టిస్తుంద‌ట‌. రాజ్‌-కృష్ణ డీకే స‌మంత‌కు ఓ క‌థ వినిపించ‌గా..ఈ ప్రాజెక్టుకు అఖిల్ పేరును సూచించిన‌ట్టు ఫిలింన‌గ‌ర్ వ‌ర్గాల టాక్‌. ఈ మూవీని అశ్వినిద‌త్ నిర్మించ‌నున్న‌ట్టు స‌మాచారం. ప్ర‌స్తుతం ప‌లు ప్రాజెక్టుల‌తో బిజీగా ఉంది టాలీవుడ్ బ్యూటీ అక్కినేని స‌మంత‌.