న్యూఢిల్లీ: ఏడుసార్లు ప్రపంచ చాంపియన్ లూయిస్ హామిల్టన్ ఫార్ములా వన్ (ఎఫ్1) కెరీర్లో అరుదైన ఘనత సాధించాడు. స్పానిష్ గ్రాండ్ ప్రిలో పోల్ పొజిషన్ సాధించడం ద్వారా కెరీర్లో 100వ పోల్ నమోదు చేసుకున్నాడు. ఈ జాబాతాలో హమిల్టన్ ఎవరికీ అందనంత ఎత్తులో ఉండగా.. ఫెరారీ గ్రేట్ మైఖేల్ షుమాకర్ 68 పోల్ పొజిషన్స్తో రెండో స్థానంలో ఉన్నాడు. 2007లో అరంగేట్రంలోనే పొల్ పొజిషన్ దక్కించుకున్న హామిల్టన్.. అప్పటి నుంచి అప్రతిహత విజయాలతో దూసుకెళ్తున్నాడు. ‘చాలా ఆనందంగా ఉంది. అప్పుడే వంద పోల్ పొజిషన్స్ సాధించానంటే నమ్మశక్యంగా లేదు. ఇప్పటికీ తొలి రేస్లో పాల్గొంటున్న విధంగానే సిద్ధమవుతుంటా. సపోర్టింగ్ స్టాఫ్ సహకారం మరువలేనిది’ అని రేస్ అనంతరం హామిల్టన్ పేర్కొన్నాడు.