సత్యదేవ్ కథానాయకుడిగా నటిస్తున్న చిత్రం ‘తిమ్మరుసు’. శరణ్ కొప్పిశెట్టి దర్శకుడు. మహేష్ కోనేరు, సృజన్ నిర్మాతలు. ఈ నెల 30న థియేటర్స్లో విడుదలకానుంది. ఈ చిత్ర ట్రైలర్ను సోమవారం అగ్ర కథానాయకుడు ఎన్టీఆర్ విడుదల చేశారు. ఈ సినిమాలో సత్యదేవ్ లాయర్ పాత్రను పోషించారు. ఓ కేసు తాలూకు వాదోపవాదాలు, అర్థవంతమైన సంభాషణలతో ట్రైలర్ ఆద్యంతం ఆసక్తికరంగా సాగింది. ‘కోర్ట్కు కావాల్సింది షార్ట్ఫిల్మ్స్, మాక్డ్రిల్స్ కాదు…బలమైన ఆధారాలు’..‘నువ్వు సగం బలం లాక్కునే వాలివయితే..నేను దండ వేసి దండించే రాముడిలాంటివాడిని’ వంటి డైలాగ్లు ఆకట్టుకునేలా అనిపించాయి. అన్యాయాన్ని ఏమాత్రం సహించని లాయర్గా సత్యదేవ్ పాత్ర చిత్రణ శక్తివంతంగా కనిపించింది. ప్రియాంక జవాల్కర్, బ్రహ్మాజీ, అజయ్, ప్రవీణ్, ఆదర్శ్ తదితరులు నటిస్తున్న ఈ చిత్రానికి సినిమాటోగ్రఫీ: అప్పూ ప్రభాకర్, సంగీతం: శ్రీచరణ్ పాకాల, దర్శకత్వం: శరణ్ కొప్పిశెట్టి.