వ‌రుణ్‌ధావ‌న్ పెండ్లికి రానున్న స్టార్ హీరోలు..!

బాలీవుడ్ న‌టుడు వ‌రుణ్ ధ‌వన్‌-న‌టాషా ద‌లాల్ జ‌న‌వ‌రి 24న వివాహ బంధంతో ఒక్క‌ట‌వుతున్న సంగ‌తి తెలిసిందే. గ‌తేడాది మే నెలలో జ‌ర‌గాల్సిన వీరిద్ద‌రి వివాహం క‌రోనా ఎఫెక్ట్ తో నిలిచిపోయింది. వెడ్డింగ్ వేడుక‌లు ఐదు రోజుల‌పాటు గ్రాండ్ గా జ‌రుగుతాయ‌ని ఇప్ప‌టికే వార్త‌లు వ‌చ్చాయి. అయితే తాజా స‌మాచారం ప్ర‌కారం కేవ‌లం ఒక రోజు మాత్ర‌మే వెడ్డింగ్ ఈవెంట్ జ‌రుగనుంద‌ట‌. జ‌న‌వ‌రి 22న అలీబాగ్ లో వెడ్డింగ్ ప‌నులు మొద‌లుపెట్టేందుకు స‌న్నాహాలు జ‌రుగుతున్న‌ట్టు బీటౌన్ వ‌ర్గాల టాక్‌. ఇదిలా ఉంటే క్రేజీ న్యూస్ ఒక‌టి బీటౌన్ లో చ‌క్క‌ర్లు కొడుతోంది.

ద‌గ్గ‌రి బంధువులు, స్నేహితుల స‌మక్షంలో పెండ్లి వేడుక జ‌రుగనుంద‌ని తెలుస్తోండ‌గా..ఈ వేడుకకు బాలీవుడ్ స్టార్ హీరోలు షారుక్‌ఖాన్‌, స‌ల్మాన్‌ఖాన్ హాజ‌రుకానున్నార‌ట‌. క‌ర‌ణ్‌జోహార్‌, శిల్పాశెట్టి-రాజ్‌కుంద్రా దంప‌తులు, డైరెక్ట‌ర్ రెమో డిసౌజా, శ‌శాంక్ కైతాన్ హాజ‌ర‌వ‌నున్నార‌ని తెలుస్తోంది.