శనివారం 23 జనవరి 2021
Cinema - Nov 26, 2020 , 00:06:28

దేశం కోసం పోరాటం

దేశం కోసం పోరాటం

మోహన్‌బాబు కథానాయకుడిగా నటిస్తున్న తాజా చిత్రం ‘సన్‌ ఆఫ్‌ ఇండియా’. శ్రీ లక్ష్మీప్రసన్న పిక్చర్స్‌, 24 ఫ్రేమ్స్‌ ఫ్యాక్టరీ పతాకాలపై విష్ణు మంచు ఈ చిత్రాన్ని నిర్మిస్తున్నారు. డైమండ్‌ రత్నబాబు దర్శకుడు. బుధవారం హైదరాబాద్‌లో రెండో షెడ్యూల్‌ ప్రారంభమైంది. ‘దేశభక్తి ప్రధానంగా రూపొందుతున్న చిత్రమిది. దేశం కోసం ఓ వ్యక్తి ఎలాంటి  పోరాటం సాగించాడన్నది ఆసక్తిని రేకెత్తిస్తుంది. తెలుగు తెరపై ఇప్పటివరకు ఎవరూ స్పృశించని కథాంశంతో రూపొందిస్తున్నాం. శక్తివంతమైన పాత్రలో  మోహన్‌బాబు కనిపిస్తారు. కథానాయకుడిగా నటిస్తూనే  ఈ చిత్రానికి స్క్రీన్‌ప్లేను సమకూర్చారాయన. తిరుపతిలో చిత్రీకరించిన మొదటి షెడ్యూల్‌లో  కీలక సన్నివేశాలతో పాటు ఓ పాటను చిత్రీకరించాం. హైదరాబాద్‌లో ప్రారంభమైన తాజా షెడ్యూల్‌లో ప్రధాన తారాగణంపై ముఖ్య ఘట్టాలను తెరకెక్కిస్తాం’ అని దర్శకుడు తెలిపారు. ఈ చిత్రానికి సంగీతం: ఇళయరాజా, ఛాయాగ్రహణం: సర్వేష్‌ మురారి, ైస్టెలిస్ట్‌: విరానికా మంచు. 


logo