అల వైకుంఠపురం చిత్రంతో చాలా కాలం తర్వాత తెలుగులో గ్రాండ్ రీ ఎంట్రీ ఇచ్చింది టబు (Tabu). ఈ హైదరాబాదీ ముద్దుగుమ్మ చాలా జాగ్రత్తగా సినిమాలను ఎంపిక చేసుకుంటుంది. ప్రస్తుతం హిందీలో భూల్ భూలయ్యా 2 (Bhool Bhulaiyaa 2), మలయాళంలో భీష్మ పర్వం సినిమాలు చేస్తోంది. ఈ భామ బాలీవుడ్ దర్శకనిర్మాత మహేశ్ మంజ్రేకర్ (Mahesh Manjrekar) తో కలిసి మరో సినిమా చేయనున్నట్టు బీటౌన్ లో వార్త తెరపైకి వచ్చింది. ఆసక్తికర విషయమేంటంటే టబు, మహేశ్ మంజ్రేకర్ కాంబోలో సుమారు 21 ఏళ్ల తర్వాత సినిమా వస్తుండటం. వీరిద్దరూ కలిసి గతంలో అస్థిత్వ సినిమా చేశారు. ఈ చిత్రానికి జాతీయ స్థాయిలో అవార్డు కూడా వచ్చింది.
తాజా అప్ డేట్ ప్రకారం టబు ఈ చిత్రంలో వితంతువు పాత్రలో కనిపించనుందట. ఓ మహిళ చుట్టూ తిరిగే బోల్డ్ కథాంశంతో సినిమా సాగనున్నట్టు తెలుస్తోంది. మహేశ్ మంజ్రేకర్ ప్రస్తుతం అంథిమ్..ది ఫైనల్ ట్రుత్ చిత్రాన్ని డైరెక్ట్ చేస్తున్నాడు. బాలీవుడ్ నటులు సల్మాన్ ఖాన్, ఆయుష్ శర్మ కీలకపాత్రల్లో నటిస్తున్నారు. ప్రగ్యాజైశ్వాల్ హీరోయిన్ గా నటిస్తోంది.
జీ స్టూడియోస్, సల్మాన్ ఖాన్ ఫిలిమ్స్ సంయుక్తంగా నిర్మిస్తోన్న ఈ చిత్రం విడుదల కోసం ఎదురుచూస్తున్నాడు మహేశ్ మంజ్రేకర్. మరాఠి చిత్రం ముల్షీ ప్యాటర్న్ కు రీమేక్ గా వస్తోంది అంథిమ్. ఈ సినిమా పూర్తవగానే మహేశ్, టబు సినిమా సెట్స్ పైకి వెళ్లనున్నట్టు టాక్.
Tamannaah Bhatia| తన ఆరోగ్య సమస్యను దాచి పెట్టిన తమన్నా..!
Aamir Khan | చిరంజీవి కోసం అమీర్ ఖాన్ స్పెషల్ షో
Gautham Menon | డాన్ లో మెరువనున్న స్టార్ డైరెక్టర్..!