కాస్ట్యూమ్స్ డిజైనర్ గా మంచి గుర్తింపు తెచ్చుకుంది మెగాస్టార్ చిరంజీవి (Chiranjeevi)పెద్ద కూతురు సుస్మిత కొణిదెల (Sushmita Konidela). ఈ బ్యూటీ తన భర్త విష్ణు ప్రసాద్ తో కలిసి గోల్డ్ బాక్స్ ఎంటర్ టైన్ మెంట్స్ ను లాంఛ్ చేసిన విషయం తెలిసిందే. జీ 5 ఒరిజినల్ సిరీస్ (Shootout At Alair) నిర్మించింది సుస్మిత. ఆగస్టు 22న తన తండ్రి చిరంజీవి పుట్టినరోజు మరో ఆసక్తికర ప్రకటన చేయబోతుంది సుస్మిత కొణిదెల.
వెబ్ సిరీస్ తర్వాత తన రెండో ప్రాజెక్టు ను ప్రకటించబోతున్నట్టు ట్విటర్ లో గ్లింప్స్ టీజర్ ద్వారా సుస్మిత తెలిపింది. దిమ్మలపాటి ప్రశాంత్ ఈ చిత్రానికి దర్శకత్వం వహించనున్నాడు. ఈ ప్రాజెక్టుకు సంబంధించిన మరిన్ని వివరాలపై త్వరలోనే స్పష్టత రానుంది. చిరంజీవి, రాంచరణ్ సినిమాలకు కాస్ట్యూమ్ డిజైనర్ గా పనిచేసింది సుస్మిత కొణిదెల.