వివేక్‌ ఆత్రేయ పాటతో ‘బొమ్మ బ్లాక్‌బస్టర్‌'

నందు విజయ్‌కృష్ణ, రష్మి జంటగా నటిస్తున్న చిత్రం ‘బొమ్మ బ్లాక్‌బస్టర్‌'. రాజ్‌విరాట్‌ దర్శకుడు. ప్రవీణ్‌ పగడాల, బోసుబాబు నిడుమోలు, ఆనంద్‌ రెడ్డి మది, మనోహర్‌ రెడ్డి యెడ నిర్మాతలు. ఈ చిత్రంలోని ‘నడకుడి రైటంటి సోదరా’ అంటూ సాగే పాటను  ఇటీవల హీరో సుధీర్‌బాబు విడుదల చేశారు. ఈ పాటకు మెంటల్‌మదిలో, బ్రోచేవారెవురా చిత్రాలతో దర్శకుడిగా విజయాలను అందుకుని, ప్రస్తుతం నానితో ‘అంటే సుందరానికి’ చిత్రాన్ని తెరకెక్కిస్తున్న వివేక్‌ ఆత్రేయ సాహిత్యాన్ని అందించారు. సుధీర్‌బాబు మాట్లాడుతూ ‘ఈ చిత్రంలో నందు కొత్తగా కనిపిస్తున్నాడు. దర్శకుడు వివేక్‌ ఆత్రేయ రచించిన ఈ పాట ఎంతో ప్రామిసింగ్‌గా వుంది. తప్పకుండా చిత్రం అందరి ఆదరణ పొందాలని ఆశిస్తున్నా’ అన్నారు. ఈ చిత్రానికి సంగీతం: ప్రశాంత్‌ ఆర్‌.విహారి.