శుక్రవారం 26 ఫిబ్రవరి 2021
Cinema - Feb 23, 2021 , 11:59:58

కీర‌వాణి త‌న‌యుడి బ‌ర్త్‌డే.. రెండు సినిమాలు ప్ర‌క‌ట‌న‌

కీర‌వాణి త‌న‌యుడి బ‌ర్త్‌డే.. రెండు సినిమాలు ప్ర‌క‌ట‌న‌

ప్ర‌ముఖ సంగీత ద‌ర్శ‌కుడు కీర‌వాణి త‌న‌యుడు శ్రీ సింహ కోడూరి మ‌త్తు వ‌ద‌ల‌రా అనే సినిమాతో తెలుగు ప్రేక్ష‌కుల ముందుకు వ‌చ్చిన సంగతి తెలిసిందే. ఈ సినిమా మంచి విజయం సాధించ‌డంతో పాటు విమ‌ర్శ‌కుల ప్ర‌శంస‌లు పొందింది. ప్ర‌స్తుతం తెల్ల‌వారితే గురువారం, భాగ్ సాలే అనే చిత్రాలు చేస్తున్నాడు శ్రీ సింహ‌. ఈ రోజు ఆయ‌న బ‌ర్త్ డే సంద‌ర్భంగా తెల్లవారితే గురువారం చిత్ర ఫ‌స్ట్ లుక్ విడుద‌ల చేశారు. ఇందులో పెళ్లి కొడుకు గెట‌ప్‌లో ఉన్న శ్రీ సింహ సిగ‌రెట్ తాగుతూ క‌నిపించారు. ఈ చిత్రాన్ని మ‌ణికాంత్ జెల్లి తెర‌కెక్కించారు.

ఇక శ్రీ సింహ హీరోగా భాగ్ సాలే అనే టైటిల్‌తో ఓ చిత్రం తెరకెక్కుతుంది.  ప్రముఖ నిర్మాత డి. సురేష్ బాబు సమర్పణలో మధుర ఎంటర్ టైన్ మెంట్, బిగ్ బెన్ సినిమాస్ భాగస్వామ్యంలో మధుర శ్రీధర్ రెడ్డి, యష్ రంగినేని ఈ చిత్రాన్ని నిర్మిస్తున్నారు. నూతన దర్శకుడు ప్రణీత్ బ్రమాండపల్లి  చిత్రాన్ని తెర‌కెక్కిస్తున్నారు.  క్రైమ్ కామెడీ జానర్ లో తెరకెక్కుతున్న “భాగ్ సాలే”   మార్చి మూడో వారం నుంచి   రెగ్యులర్ షూటింగ్ జ‌రుపుకోనుంది. ఈ చిత్రానికి కీరవాణి మరో తనయుడు కాలభైరవ సంగీతాన్ని అందిస్తున్నారు. 

VIDEOS

logo