మంగళవారం 20 అక్టోబర్ 2020
Cinema - Sep 03, 2020 , 18:10:47

నిల‌క‌డ‌గా ఎస్పీ బాలు ఆరోగ్యం : ఎంజీఎం ఆస్ప‌త్రి

నిల‌క‌డ‌గా ఎస్పీ బాలు ఆరోగ్యం : ఎంజీఎం ఆస్ప‌త్రి

చెన్నై : ప‌్ర‌ముఖ గాయ‌కుడు ఎస్పీ బాలసుబ్ర‌హ్మ‌ణ్యం ఆరోగ్యంపై ఎంజీఎం ఆస్ప‌త్రి గురువారం సాయంత్రం హెల్త్ బులెటిన్ విడుద‌ల చేసింది. ఎస్పీ బాలు ఆరోగ్య ప‌రిస్థితి నిల‌క‌డ‌గా ఉన్న‌ట్లు వైద్యులు స్ప‌ష్టం చేశారు. వెంటిలేట‌ర్‌, ఎక్మో సాయంతో చికిత్స అందిస్తున్నామ‌ని తెలిపారు. బాలు చికిత్స‌కు స్పందిస్తున్నారు. ఆయ‌న ఆరోగ్య ప‌రిస్థితిని ఎప్ప‌టిక‌ప్పుడు నిపుణుల బృందం పర్య‌వేక్షిస్తోంద‌ని వైద్యులు పేర్కొన్నారు. ఆగ‌స్టు 5వ తేదీన బాలుకు కరోనా పాజిటివ్‌గా నిర్ధారణ కావడంతో ఆయన చెన్నైలోని ఎంజీఎం దవాఖానలో చేరి చికిత్స పొందుతున్నారు. 

ఎస్పీ బాలు ఆరోగ్యం ప‌రిస్థితిపై ఆయ‌న కుమారుడు ఎస్పీ చ‌ర‌ణ్ ఇన్‌స్టాగ్రామ్ వేదిక‌గా స్పందించారు. ఓ వీడియోను ఆయ‌న విడుద‌ల చేశారు. నాన్న ఆరోగ్యం వ‌రుస‌గా నాలుగోరోజు నిల‌క‌డ‌గా ఉంద‌న్నారు. దేవుడి ద‌య‌, మీ అంద‌రి ప్రార్థ‌న‌ల వ‌ల్ల వ‌చ్చే సోమ‌వారం నాటికి నాన్న ఆరోగ్య విష‌యంలో శుభవార్త వెలువడుతుంద‌ని ఆశిస్తున్న‌ట్లు ఆయ‌న చెప్పారు.. ఆ రోజు కోసం ఎదురుచూస్తున్నాను. మీ అంద‌రికీ కృత‌జ్ఞ‌త‌లు.. ప్ర‌తి ఒక్క‌రిని దేవుడు ఆశీర్వ‌దించాల‌ని కోరుతూ ఎస్పీ చ‌ర‌ణ్ పేర్కొన్నారు. 


logo