e-Paper

Advertisement

E-Paper

Apps

Book Your Copy

Visit Telangana Today

Wednesday, September 22, 2021
Home సినిమా ఆచార్యుడి సామాజిక పాఠం

ఆచార్యుడి సామాజిక పాఠం

‘ఆచార్య’ సినిమా గురించి మెగాభిమానులు ఆత్రుతగా ఎదురుచూస్తున్నారు. చిరంజీవి కథానాయకుడిగా కొరటాల శివ దర్శకత్వంలో నిరంజన్‌రెడ్డి నిర్మిస్తున్న ఈ చిత్రంలో రామ్‌చరణ్‌ కీలక పాత్రను పోషిస్తున్నారు. సెకండ్‌వేవ్‌ కారణంగా వాయిదా పడిన షూటింగ్‌ కొద్దిరోజుల క్రితం పునఃప్రారంభమైన విషయం తెలిసిందే. ఈ సినిమాకు సంబంధించిన తాజా సమాచారాన్ని నిర్మాణ సంస్థ బుధవారం వెల్లడించింది. టాకీ పార్ట్‌ మొత్తం పూర్తయిందని, రెండు పాటలు మాత్రమే బ్యాలన్స్‌గా ఉన్నాయని తెలిపింది. ఈ సందర్భంగా కొత్త పోస్టర్‌ను విడుదల చేశారు. ‘టాకీ పార్ట్‌ను అనుకున్న విధంగా జూలై 31నాటికే పూర్తిచేశాం. ఈ నెల 20 నుంచి చిరంజీవి, రామ్‌చరణ్‌లపై ఓ పాటను…చరణ్‌, పూజాహెగ్డేలపై మరో గీతాన్ని చిత్రీకరిస్తాం. దీంతో షూటింగ్‌ మొత్తం పూర్తవుతుంది. మరోవైపు నిర్మాణానంతర కార్యక్రమాలు శరవేగంగా జరుగుతున్నాయి’ అని చిత్రబృందం పేర్కొంది. ఈ సినిమాలో చిరంజీవి ఆచార్యుడిగా, నక్సలైట్‌గా భిన్న కోణాల్లో సాగే పాత్రను పోషిస్తున్నారని చెబుతున్నారు. రామ్‌చరణ్‌ సిద్ధ అనే శక్తివంతమైన పాత్రలో కనిపించనున్నారు. బలమైన సామాజికాంశాన్ని చర్చిస్తూ దర్శకుడు కొరటాల శివ ఈ చిత్రాన్ని రూపొందిస్తున్నారు. కాజల్‌ అగర్వాల్‌, పూజాహెగ్డే కథానాయికలుగా నటిస్తున్న ఈ చిత్రానికి సినిమాటోగ్రఫీ: ఎస్‌.తిరుణ్ణావుక్కరసు, సంగీతం: మణిశర్మ, నిర్మాణ సంస్థలు: కొణిదెల ప్రొడక్షన్‌ కంపెనీ, మ్యాట్నీ ఎంటర్‌టైన్‌మెంట్‌, రచన-దర్శకత్వం: కొరటాల శివ.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana