e-Paper

Advertisement

E-Paper

Apps

Book Your Copy

Visit Telangana Today

Friday, September 24, 2021
Home News సీనియర్‌ నటి జయంతి కన్నుమూత

సీనియర్‌ నటి జయంతి కన్నుమూత

హైదరాబాద్‌: దక్షిణాది చలన చిత్రసీమలో విషాదం చోటుచేసుకుంది. ప్రముఖ సినీనటి జయంతి కన్నుమూశారు. గత కొంతకాలంగా అనారోగ్యంతో బాధపడుతున్నారు. ఇటీవల స్వాస సంబంధిత సమస్యతో బెంగళూరులోని విక్రమ్‌ దవాఖానలో చికిత్స పొందారు. పరిస్థితి విషమించడంతో 76 ఏండ్ల జయంతి తన స్వగృహంలో కన్నుమూశారు.

దక్షిణాది చిత్రపరిశ్రమలో తనకంటూ ఓ గుర్తింపు తెచ్చుకున్న జయంతి.. 1945 జనవరి 6న కర్ణాటకలోని బ‌ళ్లారిలో జన్మించారు. ఆమె తెలుగు, కన్నడ, తమిళం, మలయాళంతోపాటు హిందీ, మరాఠీ సినిమాలతో కలిపి 5 వందలకుపైగా సినిమాల్లో నటించారు.

- Advertisement -

తెలుగులో జగదేకవీరునికథ, డాక్టర్‌ చక్రవర్తి, కొండవీటి సింహం, జస్టిస్‌ చౌదరి, రక్త సంబంధం, భక్త ప్రహ్లాద, బడిపంతులు, దేవదాసు, మాయ‌దారి మ‌ల్లిగాడు, స్వాతి కిరణం, పెద‌రాయుడు చిత్రాలతో మంచి గుర్తింపు తెచ్చుకున్నారు. దిగ్గజ నటులు ఎంజీ రామచంద్రన్‌, ఎన్టీఆర్‌, రాజ్‌కుమార్‌, రజనీకాంత్‌లతో కలిసి నటించారు. ఉత్తమ నటిగా రెండుసార్లు కర్ణాటక ఫిలిం ఫేర్‌ అవార్డులు అందుకున్నారు. జ‌యంతి మృతి ప‌ట్ల సినీ ప‌రిశ్రమ తీవ్ర దిగ్భ్రాంతికి గురైంది.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana