స్పెష‌ల్ సాంగ్ లో ' ఆర్ఎక్స్ 100' భామ‌

శ‌ర్వానంద్‌, సిద్దార్థ్ కాంబినేష‌న్ లో తెర‌కెక్కుతున్న చిత్రం మ‌హాస‌ముద్రం. ఆర్ఎక్స్ 100 ఫేం అజ‌య్ భూప‌తి డైరెక్ట‌ర్‌. ఇంటెన్స్ రొమాంటిక్ కామెడీ డ్రామాగా వ‌స్తున్న ఈ చిత్రంలో అను ఇమ్మాన్యుయేల్‌, అదితీరావు హైద‌రి హీరోయిన్లుగా న‌టిస్తున్నారు. ఈ ప్రాజెక్టుకు సంబంధించిన క్రేజీ న్యూస్ ఫిలింన‌గ‌ర్ లో చ‌క్క‌ర్లు కొడుతోంది. ఆర్ఎక్స్ 100 చిత్రంతో తెలుగు ప్రేక్ష‌కుల‌కు ద‌గ్గ‌రైంది పంజాబీ ముద్దుగుమ్మ పాయ‌ల్‌రాజ్‌పుత్‌. మ‌హాసముద్రంలో స్పెష‌ల్ సాంగ్ చేయాల‌ని పాయ‌ల్‌రాజ్‌పుత్ ను డైరెక్ట‌ర్ అజ‌య్‌భూప‌తి సంప్ర‌దించాడ‌ట‌.

త‌న‌కు మంచి బ్రేక్ ఇచ్చిన డైరెక్ట‌ర్ కావ‌డంతో స్పెష‌ల్ సాంగ్ ఆఫ‌ర్ కు వెంట‌నే గ్రీన్ సిగ్న‌ల్ ఇచ్చిన‌ట్టు టాక్‌. పాయ‌ల్ ప్ర‌స్తుతం తెలుగు, త‌మిళ చిత్రాల‌తో బిజీగా ఉంది. క‌మ‌ల్‌హాస‌న్-శంక‌ర్ కాంబినేష‌న్ లో తెర‌కెక్కుతున్న ఇండియ‌న్ 2 లో కూడా పాయ‌ల్ ప్ర‌త్యేక గీతంలో క‌నిపిస్తుంద‌ని వార్త‌లు వ‌చ్చినా..ఆ ప్రాజెక్టు అట‌కెక్క‌డంతో పుకార్ల‌కు తెర‌ప‌డ్డ‌ది.