మహాసామ్రాజ్ఞి వీర గాథ

కాకతీయ మహాసామ్రాజ్ఞిగా భారతీయ చరిత్రపుటల్లో నిలిచిపోయింది రాణి రుద్రమదేవి. అసమాన ధైర్యసాహసాలతో దక్షిణపథాన్ని పాలించిన వీరవనితగా ప్రసిద్ధికెక్కింది. మహా పరాక్రమవంతురాలైన రుద్రమదేవి జీవిత కథ బుల్లితెరపై ‘రాణి రుద్రమ’ పేరుతో ధారావాహికగా రాబోతున్నది. ‘స్టార్‌మా’లో  ఈ నెల 18నుంచి ప్రసారం కానుంది. ‘ధైర్యసాహసాలు మూర్తీభవించిన విశిష్టగాథల్ని తెలుగు ప్రేక్షకులకు అందించడంలో మా సంస్థ ఎప్పుడూ ముందుంటుంది. ఆ పరంపరలో తెలుగు నేలపై ధీరవనితగా జగతికెక్కిన రుద్రమదేవి జీవితగాథను ప్రేక్షకులకు అందించబోతున్నాం. ఈ ధారావాహిక నిర్మాణంలో వందలాది మంది పాలుపంచుకుంటున్నారు. కాకతీయ సామ్రాజ్య వైభవానికి దర్పణంలా, అద్భుత దృశ్యకావ్యంగా ఈ సీరియల్‌ను తీర్చిదిద్దుతున్నాం. ఇంతకుముందెన్నడు బుల్లితెరపై చూడని ఉన్నత స్థాయి ప్రమాణాలతో ఈ సీరియల్‌ను  రూపొందిస్తున్నాం’ అని ‘స్టార్‌మా’ సంస్థ తెలిపింది. అనన్య, ఆనంద్‌, రాధి, శ్రీధర్‌రావు, గౌరి తదితరులు ఈ ధారావాహికలో నటిస్తున్నారు.