ర‌వితేజ‌ 'ఖిలాడి' టీజ‌ర్ కు టైం ఫిక్స్..!

ప్ర‌స్తుతం క్రాక్ సినిమా స‌క్సెస్ ను ఎంజాయ్ చేస్తున్నాడు టాలీవుడ్ యాక్ట‌ర్ ర‌వితేజ. ఈ చిత్రం సంక్రాంతి బ‌రిలో నిలిచి సూప‌ర్ హిట్ టాక్ తో దూసుకెళ్తోంది. అయితే ర‌వితేజ వెంట‌నే త‌న కొత్త సినిమా ఖిలాడీపై ఫోక‌స్ పెట్టాడు. ర‌మేశ్ వ‌ర్మ డైరెక్ష‌న్‌లో తెర‌కెక్కుతున్న ఈ ప్రాజెక్టును శ‌ర‌వేగంగా పూర్తిచేయాల‌ని ప్లాన్ చేశార‌ట మేక‌ర్స్. ఓ వైపు క్రాక్ స‌క్సెస్ తో సంబురాలు చేసుకుంటున్న ర‌వితేజ అభిమానుల‌కు గుడ్‌న్యూస్.

జ‌న‌వ‌రి 26న ర‌వితేజ పుట్టిన‌రోజు సంద‌ర్భంగా ఖిలాడి టీజ‌ర్ ను విడుద‌ల చేయాల‌ని మేక‌ర్స్ ఫిక్స‌యిన‌ట్టు టాలీవుడ్ వ‌ర్గాల స‌మాచారం. ఈ చిత్రంలో డింపుల్ హ‌య‌తి, మీనాక్షి చౌద‌రి హీరోయిన్లుగా న‌టిస్తున్నారు. వేస‌విలో చిత్రాన్ని విడుద‌ల చేసేందుకు సన్నాహాలు చేస్తున్నారు. కోనేరు స‌త్య‌నారాయ‌ణ ఈ చిత్రాన్ని నిర్మిస్తున్నారు. దేవీ శ్రీ ప్ర‌సాద్ మ్యూజిక్ డైరెక్ట‌ర్.

2020లో క‌రోనాతో విశ్రాంతి తీసుకున్న ర‌వితేజ ఈ సారి మాత్రం బ్యాక్ టు బ్యాక్ సినిమాలతో ప్రేక్ష‌కుల‌ను ఎంట‌ర్ టైన్ చేయ‌డానికి రెడీ అవుతున్నాడు. అంద‌రికీ సంక్రాంతి శుభాకాంక్ష‌లు తెలియ‌జేస్తూ స్పెష‌ల్ పోస్ట‌ర్ ను ట్విట‌ర్ లో షేర్ చేశాడు ర‌వితేజ‌.