దాదాపు 8 యేళ్ల క్రితం విడుదలైన దృశ్యం చిత్రం ఎంత పెద్ద విజయం సాధించిందో ప్రత్యేకంగా చెప్పనక్కర్లేదు. ఈ సినిమా సీక్వెల్గా రూపొందిన దృశ్యం 2 చిత్రం కూడా అతి పెద్ద విజయం సాధించింది. మలయాళంలో హిట్ అయిన దృశ్యం 2ను తెలుగులో కూడా రీమేక్ చేశారు.
విక్టరీ వెంకటేశ్, మీనా జంటగా తెరకెక్కుతున్న ‘దృశ్యం2’ మూవీకి జీతూ జోసెఫ్ ఈ చిత్రానికి దర్శకత్వం వహిస్తున్నారు. సురేష్ బాబు దీనిని నిర్మిస్తున్నారు. ఈ చిత్రాన్ని “నారప్ప” కంటే ముందే విడుదల చేయాల్సి ఉంది. కాని పలు కారణాల వలన వాయిదా పడింది. దసరాకు చిత్రం విడుదల కానున్నట్టు తెలుస్తుండగా, ఈ మూవీకి సంబంధించి క్రేజీ అప్డేట్స్ ఇచ్చారు మేకర్స్.
ఫస్ట్ లుక్, మోషన్ పోస్టర్ని సెప్టెంబర్ 20న ఉదయం 10.08 గంటలకు విడుదల చేయనున్నామని పేర్కొన్నారు. ఈ సినిమా డిజిటల్ స్ట్రీమింగ్ రైట్స్ను డిస్నీ+హాట్స్టార్ కొనుగోలు చేసింది. ఈ సినిమాను సురేష్ బాబు, ఆంటోనీ పెరుంబవూర్, రాజ్ కుమార్ సేతుపతి సంయుక్తంగా నిర్మించారు.దృశ్యం 2 చిత్ర బృందం షూటింగ్ను కేవలం 47 రోజుల్లో షూటింగ్ పూర్తి చేశారు. వెంకటేష్, మీనా జంటగా నటించారు. నదియా కీలకపాత్రలో కనిపించనుంది.