కాలం కలిసిరానప్పుడు ఏం చేసినా కూడా వర్కౌట్ అవ్వదు. కొందరు హీరోలకు ప్రస్తుతం ఇదే జరుగుతుంది. వాళ్లు ఎలాంటి సినిమాలు చేసినా కూడా ప్రేక్షకుల నుంచి రిజల్ట్ మాత్రం ఒకటే వస్తుంది.. అదే డిజాస్టర్. రాజ్ తరుణ్ కెరీర్ ప్రస్తుతం ఇదే స్టేజిలో ఉంది. హ్యాట్రిక్ విజయాలతో ఇండస్ట్రీకి వచ్చిన తర్వాత.. సేమ్ టెంపో మెయింటైన్ చేయడంలో బొక్క బోర్లా పడ్డాడు. మంచి అంచనాలతో వచ్చిన కొన్ని సినిమాలు దారుణంగా నిరాశపరచడంతో రాజ్ తరుణ్ కెరీర్ ఒక్కసారిగా డైలమాలో పడిపోయింది. వరస సినిమాలు చేస్తున్నా కూడా ఏ ఒక్కటి ఈయన కోరుకున్న విజయం అందించడం లేదు.
అప్పుడెప్పుడో 2015లో వచ్చిన కుమారి 21 ఎఫ్ సినిమా తర్వాత ఈయన నటించిన ఏ ఒక్కటి కూడా విజయం సాధించలేదు. మధ్యలో ఈడోరకం ఆడోరకం, కిట్టు ఉన్నాడు జాగ్రత్త సినిమాలు మాత్రం పర్లేదు అనిపించాయి ఇక అప్పటి నుంచి అంధగాడు, రంగులరాట్నం, రాజు గాడు, లవర్, ఇద్దరి లోకం ఒకటే, ఒరేయ్ బుజ్జిగా, పవర్ ప్లే.. ఇలా వరుసగా సినిమాలు చేస్తున్నాడు కానీ హిట్స్ మాత్రం రాలేదు.
ప్రస్తుతం ఈయన స్టాండప్ రాహుల్ అనే సినిమాలో నటిస్తున్నాడు. స్టాండప్ కామెడీ నేపథ్యంలో ఈ సినిమాను తెరకెక్కిస్తున్నాడు కొత్త దర్శకుడు శాంటో. ఈ సినిమా అనౌన్స్ చేసినప్పుడు పెద్దగా ఆసక్తిగా అనిపించలేదు. కానీ ఇప్పుడు టీజర్ చూసిన తర్వాత విషయం ఉంది అని అర్థమవుతుంది. చాలా రోజుల తర్వాత రాజ్ తరుణ్ కూడా ఇందులో కొత్తగా కనిపిస్తున్నాడు. టీజర్ చూస్తుంటే హిట్ కళ కనిపిస్తుంది. అయితే అది కేవలం టీజర్ వరకు మాత్రమే ఉందా.. సినిమాలో కూడా విషయం ఉందా అనేది మరికొద్ది రోజుల్లో తెలియనుంది. ఈ సినిమాలో మిడిల్ క్లాస్ మెలోడీస్ ఫేమ్ వర్ష బొల్లమ్మ హీరోయిన్ గా నటిస్తుంది