న‌టుడిగా రాఘ‌వేంద్ర‌రావు.. కొత్త ప్ర‌య‌త్నానికి శ్రీకారం

శతాధిక చిత్రాల ద‌ర్శ‌కుడు రాఘ‌వేంద్ర‌ర‌రావు సీనియర్ ఎన్టీఆర్ ద‌గ్గ‌ర నుండి ఈ కాలం కుర్ర హీరోల వ‌ర‌కు ఎన్నో అద్భుత‌మైన చిత్రాలు చేశారు. ద‌ర్శ‌కుడిగా రాఘ‌వేంద్ర‌రావు ప్ర‌స్థానం అనిర్వ‌చ‌నీయం. అయితే ఇప్పుడు ఆయ‌న కొత్త జ‌ర్నీని మొదలు పెట్టేందుకు సిద్ధ‌మ‌య్యారు. స్టేజ్‌ల‌పై మాట్లాడ‌డానికి కూడా ఇష్ట‌ప‌డ‌ని రాఘ‌వేంద్ర‌రావు 78 ఏళ్ల వ‌య‌స్సులో త‌న‌లోని న‌టుడిని బ‌య‌ట‌కు తీసుకురానున్నార‌ట‌. రాఘవేంద్ర‌రావుని న‌టుడిగా త‌నికెళ్ల భ‌ర‌ణి ప‌రిచ‌యం చేయ‌నుండ‌గా, ఇందులో స‌మంత‌, శ్రియ శ‌ర‌ణ్‌, ర‌మ్య‌కృష్ణ, స‌మంత అక్కినేని కీల‌క పాత్ర‌ల‌లో క‌నిపించ‌నున్నారు. అయితే రాఘ‌వేంద్ర‌రావు సినిమా గురించి గొప్ప ప్ర‌క‌ట‌న  చేయాల‌నుకుంటున్నాం. వ‌చ్చే ఏడాది ఫిబ్ర‌వ‌రిలో ఈ చిత్రానికి సంబంధించి అఫీషియ‌ల్ అనౌన్స్ మెంట్ చేయ‌నున్నాం అని త‌నికెళ్ల భ‌ర‌ణి అన్నారు