'నువ్వొదిలే ఊపిరి పీల్చుకుంటే ఎంత బాగుందే'..ట్రైల‌ర్ తో వ‌చ్చిన ప్ర‌దీప్

యాంక‌ర్ ప్ర‌దీప్ మాచిరాజు, అమృతా అయ్య‌ర్ హీరోహీరోయిన్లుగా న‌టిస్తోన్న చిత్రం '30 రోజుల్లో ప్రేమించ‌డం ఎలా'. మున్నా ద‌ర్శ‌క‌త్వంలో వ‌స్తోన్న ఈ చిత్ర ట్రైల‌ర్ ను విజ‌య్‌దేవ‌ర‌కొండ విడుద‌ల చేశాడు. ఓ వైపు అంద‌మైన సెల‌యేళ్లు, మ‌రోవైపు కాలేజీ..ఇలా రెండు బ్యాక్ డ్రాప్ ల‌తో ప్రారంభ‌మైంది ట్రైల‌ర్‌. అబ్బ ‌నువ్వొదిలే ఆ ఊపిరి పీల్చుకుంటే ఎంత బాగుందే అంటూ ప్ర‌దీప్ మాచిరాజు, అమృత‌తో చెప్పే సంభాష‌ణ‌లతో మొద‌ల‌వగా..ఆ త‌ర్వాత కాలేజీలో జ‌రిగే ఫ‌న్‌, రొమాంటిక్ సన్నివేశాల‌తో సీరియ‌స్ గా ప్రేమ‌కథ‌, పున‌ర్జ‌న్మ‌ల కాన్సెప్ట్‌తో సాగుతూ ఆస‌క్తిని రేకెత్తిస్తోంది.

ఈ సినిమాలోని ‘నీలి నీలి ఆకాశం ఇద్దామనుకన్నా’ అనే పాట సోష‌ల్ మీడియాలో ఎన్ని రికార్డులు క్రియేట్ చేసిందో ప్ర‌త్యేకంగా చెప్ప‌న‌క్క‌ర్లేదు. ఎస్వీ బాబు నిర్మిస్తోన్న ఈ చిత్రానికి అనూప్ రూబెన్స్ సంగీత ద‌ర్శ‌కుడు.