శ్రీకాంత్ హీరోగా దర్శకేంద్రుడు కె రాఘవేంద్రరావు తెరకెక్కించిన పెళ్లి సందడి చిత్రం ఎంత పెద్ద విజయం సాధించిందో ప్రత్యేకంగా చెప్పనక్కర్లేదు. ఇప్పుడు ఈ సినిమా స్టైల్లోనే శ్రీకాంత్ తనయుడు రోషన్, శ్రీలీలా జంటగా నటిస్తున్న ఈ సినిమాని కె.రాఘవేంద్రరావు దర్శకత్వం పర్యవేక్షణలో గౌరీ రోనంకి తెరకెక్కిస్తున్నారు. ఇప్పటి వరకు సినిమాకు సంబంధించి విడుదలైన ప్రచార చిత్రాలు ప్రేక్షకులలో ఆసక్తిని రేకెత్తించాయి.
పెళ్లి సందD సినిమాని వీలైనంత త్వరగా విడుదల చేయాలని మేకర్స్ భావిస్తున్న క్రమంలో ‘పెళ్లి సందD’ఓటీటీ నుంచి క్రేజీ ఆఫర్ వచ్చిందని సమాచారం. రెండు ప్రముఖ ఓటీటీ సంస్థలు ‘పెళ్లి సందD’ని కొనేందుకు ముందుకు వచ్చాయని, వారు ఇచ్చిన ఆఫర్కు నిర్మాతలు కూడా సుముఖంగానే ఉన్నారనే టాక్స్ వినిపిస్తున్నాయి. ఎప్పుడైన ఈ మూవీ ఓటీటీలో విడుదల కానుందనే వార్త అఫీషియల్గా బయటకు రావడం ఖాయం అంటున్నారు. ఇప్పటికే ఈ వారంలో ‘ఏక్ మినీ కథ’, ‘అనుకోని అతిథి’లాంటి సినిమాలు ఓటీటీలో విడుదలయ్యాయి.